ವಿಮಾನ ಇಂಧನ ದರ ₹ 3,663 ಏರಿಕೆ

ನವದೆಹಲಿ: ವಿಮಾನ ಇಂಧನ (ಎಟಿಎಫ್‌) ದರವನ್ನು ಸೋಮವಾರ ಶೇ 6.5ರಷ್ಟು ಗರಿಷ್ಠ ಏರಿಕೆ ಮಾಡಲಾಗಿದೆ.

ದೆಹಲಿಯಲ್ಲಿ ವಿಮಾನ ಇಂಧನ ದರ ಪ್ರತಿ ಕಿಲೊ ಲೀಟರ್‌ಗೆ ₹ 3,663ರಷ್ಟು (ಶೇ 6.5) ಹೆಚ್ಚಿಸಲಾಗಿದ್ದು, ₹ 59,400.91ಕ್ಕೆ ತಲುಪಿದೆ. ಫೆಬ್ರುವರಿಯಿಂದ ಈವರೆಗೆ ಮೂರನೇ ಬಾರಿ ದರ ಏರಿಕೆ ಮಾಡಿದಂತಾಗಿದೆ.

ಅಂತರರಾಷ್ಟ್ರೀಯ ತೈಲ ದರದಲ್ಲಿನ ಏರಿಕೆಯಿಂದಾಗಿ ಸರ್ಕಾರಿ ಸ್ವಾಮ್ಯದ ತೈಲ ಮಾರಾಟ ಕಂಪನಿಗಳು ಎಟಿಎಫ್‌ ದರ ಹೆಚ್ಚಿಸಿವೆ. ಬ್ರೆಂಟ್‌ ಕಚ್ಚಾ ತೈಲ ದರವು ಸೋಮವಾರ ಒಂದು ಬ್ಯಾರಲ್‌ಗೆ 65.49 ಡಾಲರ್‌ಗಳಿಗೆ ತಲುಪಿದೆ. ಒಂದು ವರ್ಷಕ್ಕೂ ಹೆಚ್ಚಿನ ಅವಧಿಯಲ್ಲಿ ಗರಿಷ್ಠ ದರ ಇದಾಗಿದೆ.