ಏರ್‌ಟೆಲ್‌ನಿಂದ ಗ್ರಾಹಕರ ದಿನಾಚರಣೆ
ಬೆಂಗಳೂರು: ದೇಶದ ಪ್ರಮುಖ ದೂರಸಂಪರ್ಕ ಕಂಪನಿಯಾದ ಭಾರ್ತಿ ಏರ್ಟೆಲ್, ಮೈಸೂರು ಸೇರಿದಂತೆ ದೇಶದಾದ್ಯಂತ ತನ್ನ ಕಚೇರಿಗಳಲ್ಲಿ ಗ್ರಾಹಕರ ದಿನ ಆಚರಿಸಿತು.
ಏರ್ಟೆಲ್ ಕಚೇರಿಗಳಲ್ಲಿರುವ ಹಿರಿಯ ಅಧಿಕಾರಿಗಳಿಂದ ಹಿಡಿದು ಕಿರಿಯ ಸಿಬ್ಬಂದಿಯು ತಮ್ಮ ದೈನಂದಿನ ಕಚೇರಿ ಕೆಲಸ ಬದಿಗೊತ್ತಿ ಮಂಚೂಣಿ ಕೆಲಸಗಾರರೊಂದಿಗೆ ಕೈಜೋಡಿಸಿದರು. ಗ್ರಾಹಕರೊಂದಿಗೆ ನೇರವಾಗಿ ಮಾತುಕತೆ ನಡೆಸಿದರು. ಈ ಮೂಲಕ ಸಿಬ್ಬಂದಿ ಮತ್ತು ಗ್ರಾಹಕರ ಪ್ರತಿಕ್ರಿಯೆ ಮತ್ತು ಅವರ ಬೇಡಿಕೆಗಳ ಬಗ್ಗೆ ತಿಳಿದುಕೊಂಡರು.
ಗ್ರಾಹಕರ ದಿನಾಚರಣೆಯು ಉದ್ಯೋಗಿಗಳಿಗೆ ಹೊಸ ದೃಷ್ಟಿ ನೀಡುತ್ತದೆ. ಗ್ರಾಹಕರ ನೇರ ಸಂಪರ್ಕದ ಮೂಲಕ ಅವರ ಸಮಸ್ಯೆಗಳು, ಸಲಹೆ, ದೃಷ್ಟಿಕೋನ ಮತ್ತು ಇಷ್ಟಗಳನ್ನು ಅರ್ಥಮಾಡಿಕೊಳ್ಳಬಹುದು. ಆ ಮೂಲಕ ಅವರೊಂದಿಗೆ ಆಳವಾದ ಸಂಬಂಧ ಹೊಂದುವ ಉದ್ದೇಶವನ್ನು ಕಂಪನಿ ಹೊಂದಿದೆ ಎಂದು ಏರ್ಟೆಲ್ ತಿಳಿಸಿದೆ.
ದೇಶದಲ್ಲಿ ಕೇಂದ್ರ ಕಚೇರಿ ಹೊಂದಿರುವ ಏರ್ಟೆಲ್ 17 ರಾಷ್ಟ್ರಗಳಲ್ಲಿ 50 ಕೋಟಿಗೂ ಹೆಚ್ಚು ಗ್ರಾಹಕರನ್ನು ಹೊಂದಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.