ಕೆನರಾ ಬ್ಯಾಂಕ್: ಹೊಸ ಸೌಲಭ್ಯ

ಬೆಂಗಳೂರು: ವಿವಿಧ ಬಗೆಯ ಸಾಲಗಳು ಹಾಗೂ ಬ್ಯಾಂಕಿನ ಇತರ ಸೇವೆಗಳ ಬಗ್ಗೆ ಮಾಹಿತಿ ಪಡೆಯಲು ಗ್ರಾಹಕರಿಗೆ ಹೊಸ ವ್ಯವಸ್ಥೆಯೊಂದನ್ನು ಕೆನರಾ ಬ್ಯಾಂಕ್ ಆರಂಭಿಸಿದೆ. ಗೃಹ, ವಾಹನ, ಶಿಕ್ಷಣ, ವೈಯಕ್ತಿಕ, ಚಿನ್ನಾಭರಣ ಸೇರಿದಂತೆ ಹಲವು ಬಗೆಯ ಸಾಲಗಳ ಬಗ್ಗೆ ಮಾಹಿತಿ ಪಡೆಯಲು ಗ್ರಾಹಕರು ಕೆನರಾ ಬ್ಯಾಂಕ್ ನೀಡಿರುವ ಸಂಖ್ಯೆಯೊಂದಕ್ಕೆ ಕರೆ ಮಾಡಿದರೆ ಸಾಕು.

18005729700 ಸಂಖ್ಯೆಗೆ ಕರೆ ಮಾಡಿದರೆ, ಕಂಪ್ಯೂಟರೀಕೃತ ವ್ಯವಸ್ಥೆಯು ಗ್ರಾಹಕರಿಗೆ ಯಾವ ಸಾಲದ ಕುರಿತ ವಿವರ ಬೇಕು ಎಂಬುದನ್ನು ಕೇಳುತ್ತದೆ. ಅದು ಕೇಳಿದ ಪ್ರಶ್ನೆಗಳಿಗೆ ಮೊಬೈಲ್‌ನಲ್ಲಿ ನಿರ್ದಿಷ್ಟ ಸಂಖ್ಯೆಗಳ ಮೂಲಕ ಉತ್ತರ ನೀಡಿದರೆ ಸಾಕು. ಸಾಲಕ್ಕೆ ಸಂಬಂಧಿಸಿದ ವಿವರಗಳು ಗ್ರಾಹಕರಿಗೆ ಲಭಿಸುತ್ತವೆ ಎಂದು ಪ್ರಕಟಣೆ ತಿಳಿಸಿದೆ.