ಇನ್ನಷ್ಟು ಕಠಿಣ ನಿಯಮ ಅಳವಡಿಕೆ

ನವದೆಹಲಿ (ಪಿಟಿಐ): ಇ–ವೇ ಬಿಲ್‌ ವ್ಯವಸ್ಥೆಯಲ್ಲಿ ಹಣಕಾಸು ಸಚಿವಾಲಯವು ಕೆಲ ಮಹತ್ವದ ಬದಲಾವಣೆಗಳನ್ನು ಮಾಡಿದೆ.

ಪಿನ್‌ ಕೋಡ್‌ ಆಧರಿಸಿ ಸರಕು ಸಾಗಣೆಯ ಅಂತರವನ್ನು ಸ್ವಯಂಚಾಲಿತವಾಗಿ ಲೆಕ್ಕ ಹಾಕುವ, ಒಂದೇ ಬೆಲೆಪಟ್ಟಿ ಆಧರಿಸಿ ಒಂದಕ್ಕಿಂತ ಹೆಚ್ಚಿನ ಸಂಖ್ಯೆಯಲ್ಲಿ ಇ–ವೇ ಬಿಲ್‌ ಸೃಷ್ಟಿಯಾಗುವುದನ್ನು ತಪ್ಪಿಸುವ ಸೌಲಭ್ಯ ಅಳವಡಿಸಲಾಗುತ್ತಿದೆ. ಇದರಿಂದ ಜಿಎಸ್‌ಟಿ ತಪ್ಪಿಸುವ ಪ್ರವೃತ್ತಿಗೆ ಕಡಿವಾಣ ಹಾಕಲು ಸಾಧ್ಯವಾಗಲಿದೆ.

ದೇಶದಾದ್ಯಂತ ಸರಕು ಸಾಗಣೆಗೆ ಕಡ್ಡಾಯ ಮಾಡಲಾಗಿರುವ ವಿದ್ಯುನ್ಮಾನ ರಹದಾರಿ ಪತ್ರ (Electronic Way Bill)ಇದಾಗಿದೆ.