ಭಾರತದಲ್ಲಿ ಎಪ್ಸನ್‌ನ ಮೊದಲ ಘಟಕ ಉದ್ಘಾಟನೆ

ನವದೆಹಲಿ: ಪ್ರಿಂಟರ್ ಮತ್ತು ಪ್ರೊಜೆಕ್ಟರ್ ಉಪಕರಣಗಳ ತಯಾರಿಕಾ ಸಂಸ್ಥೆ ಸೀಕೊ ಎಪ್ಸನ್‌, ಭಾರತದಲ್ಲಿ ತನ್ನ ಮೊದಲ ತಯಾರಿಕಾ ಘಟಕವನ್ನು ಶುಕ್ರವಾರ ಉದ್ಘಾಟನೆ ಮಾಡಿದೆ.

ತಮಿಳುನಾಡಿನ ಚೆನ್ನೈ ಬಳಿ ಘಟಕವನ್ನು ಸ್ಥಾಪಿಸಲಾಗಿದೆ. ಇದು 200 ನೇರ ಉದ್ಯೋಗಗಳನ್ನು ಸೃಷ್ಟಿಸಲಿದೆ. ಎಪ್ಸನ್‌ನ ತಯಾರಿಕಾ ಪಾಲುದಾರ ರಿಕುನ್‌ ಸಹಭಾಗಿತ್ವದಲ್ಲಿ ಸ್ಥಾಪನೆ ಮಾಡಿದ್ದು, ಅಕ್ಟೋಬರ್‌ ವೇಳೆಗೆ ಘಟಕವು ಕಾರ್ಯಾಚರಣೆ ಆರಂಭಿಸುವ ನಿರೀಕ್ಷೆ ಇದೆ ಎಂದು ಕಂಪನಿ ತಿಳಿಸಿದೆ.

ಪ್ರತಿ ತಿಂಗಳು 20 ಸಾವಿರ ಪ್ರಿಂಟರ್‌ಗಳನ್ನು ಉತ್ಪಾದನೆ ಮಾಡುವ ಗುರಿ ಹೊಂದಲಾಗಿದೆ ಎಂದು ತಿಳಿಸಿದೆ.