ಬ್ರೆಂಟ್‌ ತೈಲ: ಬ್ಯಾರಲ್‌ಗೆ 90 ಡಾಲರ್‌ ದಾಟುವ ಸಂಭವ
ಲಂಡನ್‌/ನವದೆಹಲಿ: ಜಾಗತಿಕ ತೈಲ ಬೇಡಿಕೆಯು ಮತ್ತೆ ಚೇತರಿಕೆ ಕಂಡಿರುವುದರಿಂದ ಬ್ರೆಂಟ್‌ ಕಚ್ಚಾತೈಲ ದರವು ವರ್ಷಾಂತ್ಯದ ವೇಳೆಗೆ ಬ್ಯಾರಲ್‌ಗೆ 90 ಡಾಲರ್‌ಗಳನ್ನೂ ಮೀರುವ ಸಾಧ್ಯತೆ ಇದೆ ಎಂದು ಗೋಲ್ಡ್‌ಮನ್‌ ಸ್ಯಾಚ್ಸ್‌ ಸಂಸ್ಥೆಯು ಸೋಮವಾರ ಹೇಳಿದೆ.
ಸಂಸ್ಥೆಯು ತನ್ನ ಈ ಹಿಂದಿನ ವರದಿಯಲ್ಲಿ ತೈಲ ದರವು ಬ್ಯಾರಲ್‌ಗೆ 90 ಡಾಲರ್‌ಗಳಿಗೆ ತಲುಪುವ ಅಂದಾಜು ಮಾಡಿರುವುದಾಗಿ ಹೇಳಿತ್ತು.
ಏಷ್ಯಾದಲ್ಲಿ ತೈಲ ಬಳಕೆಯು ಚೇತರಿಕೆ ಕಂಡಿದೆ. ಹೀಗಾಗಿಜಾಗತಿಕ ತೈಲ ಬೇಡಿಕೆಯು ಕೋವಿಡ್‌ಗೂ ಮುಂಚೆ ಪ್ರತಿ ದಿನಕ್ಕೆ ಇದ್ದ 10 ಕೋಟಿ ಬ್ಯಾರಲ್‌ಗಳಿಗೆ ಶೀಘ್ರವೇ ತಲುಪುವ ನಿರೀಕ್ಷೆ ಇದೆ ಎಂದು ಅದು ತಿಳಿಸಿದೆ.
ಪೂರೈಕೆಯಲ್ಲಿ ಕೊರತೆ ಮತ್ತು ಹೆಚ್ಚಾಗುತ್ತಿರುವ ಬೇಡಿಕೆಯಿಂದಾಗಿ ಕಚ್ಚಾ ತೈಲ ದರಗಳು ಗರಿಷ್ಠ ಮಟ್ಟಕ್ಕೆ ಏರಿಕೆ ಕಂಡಿವೆ. ಬ್ರೆಂಟ್‌ ಕಚ್ಚಾ ತೈಲ ದರವು ಸೋಮವಾರ ಶೇ 0.73ರಷ್ಟು ಹೆಚ್ಚಾಗಿ ಬ್ಯಾರಲ್‌ಗೆ 85.26 ಡಾಲರ್‌ಗಳಿಗೆ ಏರಿಕೆ ಆಗಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.