ಮಹಿಳೆಯರ ನವೋದ್ಯಮಗಳಲ್ಲಿ ಗೂಗಲ್ ಹೂಡಿಕೆ

ನವದೆಹಲಿ: ಗೂಗಲ್ ಕಂಪನಿಯು ತನ್ನ ‘ಇಂಡಿಯಾ ಡಿಜಿಟೈಸೇಷನ್ ಫಂಡ್‌’ ಮೂಲಕ, ಮಹಿಳೆಯರ ನೇತೃತ್ವದ ಆರಂಭಿಕ ಹಂತದ ನವೋದ್ಯಮಗಳಲ್ಲಿ ಹೂಡಿಕೆ ಮಾಡುವ ಬಗ್ಗೆ ಹೆಚ್ಚು ಗಮನ ನೀಡಲಿದೆ ಎಂದು ಕಂಪನಿಯ ವಕ್ತಾರರು ತಿಳಿಸಿದ್ದಾರೆ.

ಇಂಡಿಯಾ ಡಿಜಿಟೈಸೇಷನ್ ಫಂಡ್ ಅಡಿಯಲ್ಲಿ ಕಂಪನಿಯು ₹ 75 ಸಾವಿರ ಕೋಟಿ ಮೀಸಲಿರಿಸಿದೆ. ಇಂಟರ್ನೆಟ್‌ ಲಭ್ಯತೆಯು ಕೈಗೆಟಕುವಂತೆ ಆಗಬೇಕು ಎಂಬ ಉದ್ದೇಶದಿಂದ ಕಂಪನಿಯು ಈ ನಿಧಿಗೆ ಚಾಲನೆ ನೀಡಿದೆ.