‘ಹಿಂದುಸ್ಥಾನ್‌ ಜಿಂಕ್‌ನಲ್ಲಿನ ಷೇರು ಮಾರಾಟಕ್ಕೆ ಸಿದ್ಧತೆ’

ನವದೆಹಲಿ: ಹಿಂದುಸ್ಥಾನ್‌ ಜಿಂಕ್‌ ಲಿಮಿಟೆಡ್‌ನಲ್ಲಿ (ಎಚ್‌ಜೆಡ್‌ಎಲ್‌) ಕೇಂದ್ರ ಸರ್ಕಾರವು ಹೊಂದಿರುವ ಷೇರುಗಳಲ್ಲಿ ಕೆಲವೊಂದಿಷ್ಟನ್ನು ಮುಂದಿನ ತಿಂಗಳು ಮಾರಾಟ ಮಾಡುವ ಸಾಧ್ಯತೆ ಇದೆ ಎಂದು ಹೂಡಿಕೆ ಮತ್ತು ಸಾರ್ವಜನಿಕ ಆಸ್ತಿ ನಿರ್ವಹಣಾ ಇಲಾಖೆಯ (ಡಿಐಪಿಎಎಂ) ಕಾರ್ಯದರ್ಶಿ ತುಹಿನ್ ಕಾಂತ್ ಪಾಂಡೆ ಗುರುವಾರ ತಿಳಿಸಿದ್ದಾರೆ.

ಪ್ರಸಕ್ತ ಹಣಕಾಸು ವರ್ಷದಲ್ಲಿ ಷೇರು ವಿಕ್ರಯದಿಂದ ₹ 50 ಸಾವಿರ ಕೋಟಿ ಸಂಗ್ರಹಿಸುವ ಪರಿಷ್ಕೃತ ಗುರಿಯನ್ನು ಸರ್ಕಾರ ಇಟ್ಟುಕೊಂಡಿದೆ. ಇದಕ್ಕೆ ಪೂರಕವಾಗಿ ಈ ನಿರ್ಧಾರ ತೆಗೆದುಕೊಳ್ಳುವ ನಿರೀಕ್ಷೆ ಇದೆ ಎಂದು ಹೇಳಿದ್ದಾರೆ. ಪ್ರಸಕ್ತ ಹಣಕಾಸು ವರ್ಷದಲ್ಲಿ ಈವರೆಗೆ ₹ 31,100 ಕೋಟಿ ಸಂಗ್ರಹ ಆಗಿದೆ.