ಪ್ಯಾನ್‌ಗೆ ಆಧಾರ್‌: ಗಡುವು ವಿಸ್ತರಣೆ

ನವದೆಹಲಿ :ಪ್ಯಾನ್‌ಗೆ ಆಧಾರ್‌ ಜೋಡಿಸಲು ನೀಡಿದ್ದ ಗಡುವನ್ನು 2021ರ ಮಾರ್ಚ್‌ 31ರವರೆಗೂ ವಿಸ್ತರಿಸಲಾಗಿದೆ.

ಅದೇ ರೀತಿ2018–19ನೇ ಹಣಕಾಸು ವರ್ಷದ ಆದಾಯ ತೆರಿಗೆ ಲೆಕ್ಕಪತ್ರ ಸಲ್ಲಿಕೆ (ಐ.ಟಿ ರಿಟರ್ನ್ಸ್‌) ಅವಧಿಯನ್ನು ಜುಲೈ 31ರವರೆಗೆ ವಿಸ್ತರಿಸಲಾಗಿದೆ.

2019–20ನೇ ಹಣಕಾಸು ವರ್ಷದ ಐಟಿಆರ್‌ ಸಲ್ಲಿಕೆ ಅವಧಿಯನ್ನೂ ಈಗಾಗಲೇ ನವೆಂಬರ್ 30ರವರೆಗೆ ವಿಸ್ತರಿಸಲಾಗಿದೆ.

ಕೇಂದ್ರೀಯ ನೇರ ತೆರಿಗೆ ಮಂಡಳಿಯು (ಸಿಬಿಡಿಟಿ) ಆದಾಯ ತೆರಿಗೆ ಕಾಯ್ದೆಯಡಿ ವಿವಿಧ ಹೂಡಿಕೆಗಳ ಮೇಲಿನ ಕಡಿತಕ್ಕೆ ನೀಡಿದ್ದ ಗಡುವನ್ನೂ ಜುಲೈ 31ರವರೆಗೆ ವಿಸ್ತರಿಸಿದೆ.