ಕೋವಿಡ್‌ ತಡೆಗೆ ಐಟಿಸಿ ಸ್ಪ್ರೇ

ನವದೆಹಲಿ: ಕೋವಿಡ್–19 ತಡೆಯುವ, ಮೂಗಿಗೆ ಬಿಟ್ಟುಕೊಳ್ಳುವ ಸ್ಪ್ರೇಯನ್ನು ಅಭಿವೃದ್ಧಿಪಡಿಸುತ್ತಿರುವುದಾಗಿ ಐಟಿಸಿ ಕಂಪನಿಯು ಗುರುವಾರ ತಿಳಿಸಿದೆ. ಇದರ ಪ್ರಯೋಗವು ಶುರುವಾಗಿದೆ ಎಂದು ಅದು ತಿಳಿಸಿದೆ.

ಬೆಂಗಳೂರಿನಲ್ಲಿ ಇರುವ ಐಟಿಸಿ ಲೈಫ್ ಸೈನ್ಸಸ್ ಆ್ಯಂಡ್ ಟೆಕ್ನಾಲಜಿ ಸೆಂಟರ್‌ನ ವಿಜ್ಞಾನಿಗಳು ಅಭಿವೃದ್ಧಿಪಡಿಸಿರುವ ಇದನ್ನು ಸ್ಯಾವ್ಲಾನ್ ಬ್ರ್ಯಾಂಡ್ ಅಡಿಯಲ್ಲಿ ಮಾರುಕಟ್ಟೆಗೆ ಬಿಡುಗಡೆ ಮಾಡುವ ಉದ್ದೇಶವನ್ನು ಐಟಿಸಿ ಹೊಂದಿದೆ ಎಂದು ಮೂಲಗಳು ತಿಳಿಸಿವೆ.