ಚಿನ್ನಕ್ಕೆ ₹74 ರಿಯಾಯಿತಿ: ಜೋಯಾಲುಕ್ಕಾಸ್
ಬೆಂಗಳೂರು: ಸ್ವಾತಂತ್ರ್ಯ ದಿನದ ಅಂಗವಾಗಿ ಪ್ರತಿ ಒಂದು ಗ್ರಾಂ ಚಿನ್ನದ ದರದ ಮೇಲೆ ₹ 74 ರಿಯಾಯಿತಿ ನೀಡುವುದಾಗಿ ಜೋಯಾಲುಕ್ಕಾಸ್ ಘೋಷಿಸಿದೆ. ಈ ಕೊಡುಗೆಯು ಸೋಮವಾರದವರೆಗೆ ಲಭ್ಯವಿರಲಿದೆ. ‘ನಮ್ಮ ಎಲ್ಲಾ ಷೋರೂಂಗಳು ಮತ್ತು ಜಾಲತಾಣದ ಮೂಲಕ ಇದರ ಪ್ರಯೋಜನ ಪಡೆದುಕೊಳ್ಳಬಹುದು’ ಎಂದು ತಿಳಿಸಿದೆ.
‘ಚಿನ್ನದ ದರ ಏರಿಕೆಯಾಗುತ್ತಿರುವ ಈ ಸಂದರ್ಭದಲ್ಲಿ ಗ್ರಾಹಕರಿಗೆ ದೊಡ್ಡ ಉಳಿತಾಯದ ಕೊಡುಗೆ ಇದಾಗಿದೆ’ ಎಂದು ಜೋಯಾಲುಕ್ಕಾಸ್ ಸಮೂಹದ ಅಧ್ಯಕ್ಷ ಜೋಯ್‌ ಅಲುಕ್ಕಾಸ್‌ ತಿಳಿಸಿದ್ದಾರೆ.
‘ವಜ್ರ ಮತ್ತು ಅತ್ಯಮೂಲ್ಯ ಚಿನ್ನಾಭರಣಗಳ ಮೇಲೆ ಶೇಕಡ 20ರಷ್ಟು ರಿಯಾಯಿತಿಯೂ ಸಿಗಲಿದೆ. ತಮ್ಮ ಹಳೆಯ ಚಿನ್ನವನ್ನು ಹೊಸದರೊಂದಿಗೆ ವಿನಿಮಯ ಮಾಡಿಕೊಳ್ಳಲು ಬಯಸುವವರಿಗೆ ಶೂನ್ಯ ಕಡಿತದೊಂದಿಗೆ ಚಿನ್ನ ವಿನಿಮಯವೂ ಲಭ್ಯವಿದೆ’ ಎಂದು ಅವರು ಹೇಳಿದ್ದಾರೆ.
‘ಎಸ್‌ಬಿಐ ಕ್ರೆಡಿಟ್ ಕಾರ್ಡ್‌ ಹೊಂದಿರುವವರು ಹೆಚ್ಚುವರಿಯಾಗಿ ಶೇ 5ರಷ್ಟು ಕ್ಯಾಷ್‌ಬ್ಯಾಕ್‌ ಮತ್ತು ಒಂದು ವರ್ಷದವರೆಗೆ ಉಚಿತ ವಿಮೆ, ಜೀವಿತಾವಧಿಯವರೆಗೆ ಉಚಿತ ನಿರ್ವಹಣೆ ಮತ್ತು ಬೈಬ್ಯಾಕ್‌ ಖಾತರಿ ಸಿಗಲಿದೆ’ ಎಂದು ಅವರು ಮಾಹಿತಿ ನೀಡಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.