ಇಳಿಯಲಿದೆ ತೈಲ ಬೇಡಿಕೆ

ಸಿಂಗಪುರ / ನವದೆಹಲಿ (ರಾಯಿಟರ್ಸ್‌): ಜಾಗತಿಕ ತೈಲ ಬೇಡಿಕೆ ಏಪ್ರಿಲ್‌ನಲ್ಲಿ ದಿನಕ್ಕೆ 1.87 ಕೋಟಿಬ್ಯಾರಲ್‌ಗಳಷ್ಟು ಇಳಿಕೆಯಾಗುವ ಸಾಧ್ಯತೆ ಇದೆ ಎಂದು ಗೋಲ್ಡ್‌ಮನ್‌ ಸ್ಯಾಚ್ಸ್‌ ಹೇಳಿದೆ.

ಮಾರ್ಚ್‌ನಲ್ಲಿ ದಿನಕ್ಕೆ 1.05 ಕೋಟಿ ಬ್ಯಾರಲ್‌ಗಳಷ್ಟು ಇಳಿಕೆ ಕಂಡಿತ್ತು.ಒಟ್ಟಾರೆ ವಾರ್ಷಿಕ ಬೇಡಿಕೆಯಲ್ಲಿ 42.5 ಲಕ್ಷ ಬ್ಯಾರಲ್‌ಗಳಷ್ಟು ಕಡಿಮೆಯಾ ಯಾಗುವ ಸಾಧ್ಯತೆ ಇದೆ ಎಂದೂ ಅಂದಾಜು ಮಾಡಿದೆ.ಜಾಗತಿಕ ತೈಲ ಬೇಡಿಕೆಯಲ್ಲಿ ಏಷ್ಯಾದ ಪಾಲು ಶೇ 60ರಷ್ಟಿದೆ. ಆದರೆ, ಏಷ್ಯಾದಲ್ಲಿ ಬೇಡಿಕೆ ಕಡಿಮೆಯಾಗುತ್ತಿದ್ದು, ತೈಲ ಸಂಸ್ಕರಣಾ ಕಂಪನಿಗಳು ನಷ್ಟ ಅನುಭವಿಸುತ್ತಿವೆ. ಪ್ರತಿ ಬ್ಯಾರಲ್‌ಗೆ ₹ 150ರಂತೆ ನಷ್ಟವಾಗುತ್ತಿದೆ. ಗ್ಯಾಸೋಲಿನ್‌ ತಯಾರಿಕೆಯಲ್ಲಿ ಪ್ರತಿ ಬ್ಯಾರಲ್‌ಗೆ ₹450ರಂತೆ ನಷ್ಟವಾಗುತ್ತಿದೆ ಎಂದು ಮಾಹಿತಿ ನೀಡಿದೆ.