ಎರಡನೇ ದಿನವೂ ಪೆಟ್ರೋಲ್‌ ದರ ಏರಿಕೆ

ಬೆಂಗಳೂರು: ಸರ್ಕಾರಿ ಸ್ವಾಮ್ಯದ ತೈಲ ಮಾರಾಟ ಕಂಪನಿಗಳು ಸತತ ಎರಡನೇ ದಿನವೂ ಪೆಟ್ರೋಲ್‌ ದರ ಏರಿಕೆ ಮಾಡಿವೆ. 48 ದಿನಗಳವರೆಗೆ ಪೆಟ್ರೋಲ್‌ ದರದಲ್ಲಿ ಬದಲಾವಣೆ ಮಾಡದಿದ್ದ ಕಂಪನಿಗಳು ಭಾನುವಾರದಿಂದ ಪೈಸೆಗಳ ಲೆಕ್ಕದಲ್ಲಿ ಪೆಟ್ರೋಲ್‌ ದರ ಹೆಚ್ಚಿಸುತ್ತಿವೆ.

ಬೆಂಗಳೂರಿನಲ್ಲಿ ಪ್ರತಿ ಲೀಟರ್‌ ಪೆಟ್ರೋಲ್‌ ದರ ಭಾನುವಾರ 12 ಪೈಸೆ ಹೆಚ್ಚಾಗಿತ್ತು. ಸೋಮವಾರ 15 ಪೈಸೆ ಹೆಚ್ಚಿಸಲಾಗಿದೆ. ಸೋಮವಾರ ಒಂದು ಲೀಟರ್‌ ಪೆಟ್ರೋಲ್‌ ₹ 83.38ರಂತೆ ಮಾರಾಟವಾಗಿದೆ.