ರೆಪೊ ದರ ಇನ್ನಷ್ಟು ಇಳಿಕೆ ಸಾಧ್ಯತೆ

ನವದೆಹಲಿ: ಭಾರತೀಯ ರಿಸರ್ವ್‌ ಬ್ಯಾಂಕ್‌ನ (ಆರ್‌ಬಿಐ) ಹಣಕಾಸು ನೀತಿ ಸಮಿತಿ ಸಭೆಯ ತೀರ್ಮಾನ ಶುಕ್ರವಾರ ಪ್ರಕಟವಾಗಲಿದ್ದು, ರೆಪೊ ದರದಲ್ಲಿ ಇಳಿಕೆ ಆಗುವ ನಿರೀಕ್ಷೆ ಇದೆ. ಇದು ಆದಲ್ಲಿ ಸಾಲದ ಮರುಪಾವತಿ ಕಂತುಗಳಲ್ಲಿ ತುಸು ಇಳಿಕೆ ಆಗುವ ಸಾಧ್ಯತೆ ಇದೆ. 

ರೆಪೊ ದರದಲ್ಲಿ ಶೇಕಡ 0.25ರಷ್ಟು ಇಳಿಕೆ ಆಗಬಹುದು ಎಂಬುದು ತಜ್ಞರ ನಿರೀಕ್ಷೆ. ಇಳಿಕೆಯು ಶೇ 0.50ರಷ್ಟು ಕೂಡ ಆಗಬಹುದು ಎಂಬ ನಿರೀಕ್ಷೆಯೂ ಇದೆ.

ಹಣಕಾಸು ನೀತಿ ಸಮಿತಿಯ ಸಭೆಯು ಬುಧವಾರ ಆರಂಭವಾಗುತ್ತದೆ. ರೆಪೊ ದರವನ್ನು ಈ ವರ್ಷ ಎರಡು ಬಾರಿ ಇಳಿಕೆ ಮಾಡಲಾಗಿದೆ.