ಕೋವಿಡ್: ನೌಕರರ ನೆರವಿಗೆ ರಿಲಯನ್ಸ್

ಬೆಂಗಳೂರು: ಕೋವಿಡ್–19 ಸಾಂಕ್ರಾಮಿಕಕ್ಕೆ ತನ್ನ ಉದ್ಯೋಗಿಗಳು ಬಲಿಯಾದಲ್ಲಿ, ಅವರ ಕೊನೆಯ ಸಂಬಳದ ಮೊತ್ತವನ್ನು ಅವರ ಕುಟುಂಬಕ್ಕೆ ಐದು ವರ್ಷಗಳವರೆಗೆ ನೀಡಲು ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ ತೀರ್ಮಾನಿಸಿದೆ. ಅಲ್ಲದೆ, ಮೃತ ಉದ್ಯೋಗಿಯ ಮಕ್ಕಳ ಪದವಿವರೆಗಿನ ಶಿಕ್ಷಣದ ವೆಚ್ಚಗಳಿಗೆ ನೆರವು ನೀಡುವುದಾಗಿಯೂ ಹೇಳಿದೆ.

ಮೃತ ಉದ್ಯೋಗಿಗಳ ಮಕ್ಕಳ ಪದವಿವರೆಗಿನ ಬೋಧನಾ ಶುಲ್ಕ, ಪುಸ್ತಕ ಮತ್ತು ವಸತಿನಿಲಯದ ವೆಚ್ಚಗಳನ್ನು ರಿಲಯನ್ಸ್ ಭರಿಸಲಿದೆ ಎಂದು ಪ್ರಕಟಣೆ ತಿಳಿಸಿದೆ.