ರಿಲಯನ್ಸ್‌ ಪವರ್‌ಗೆ ₹1,136 ಕೋಟಿ ನಷ್ಟ

ನವದೆಹಲಿ (ಪಿಟಿಐ): 2023–24ನೇ ಹಣಕಾಸು ವರ್ಷದ ಮೂರನೇ ತ್ರೈಮಾಸಿಕದಲ್ಲಿ ರಿಲಯನ್ಸ್‌ ಪವರ್‌ ಕಂಪನಿಗೆ ₹1,136.57 ಕೋಟಿ ನಿವ್ವಳ ನಷ್ಟವಾಗಿದೆ. 

ನಿರ್ವಹಣಾ ವೆಚ್ಚದ ಹೆಚ್ಚಳವೇ ಈ ನಷ್ಟಕ್ಕೆ ಕಾರಣವಾಗಿದೆ ಎಂದು ಕಂಪನಿಯು ಪೇರುಪೇಟೆಗೆ ತಿಳಿಸಿದೆ. 

ಹಿಂದಿನ ಹಣಕಾಸು ವರ್ಷದ ಇದೇ ಅವಧಿಯಲ್ಲಿಯೂ ಕಂಪನಿಗೆ ₹291.54 ಕೋಟಿ ನಿವ್ವಳ ನಷ್ಟವಾಗಿತ್ತು. 

ಆದರೆ, ಕಂಪನಿಯ ವರಮಾನದಲ್ಲಿ ಏರಿಕೆಯಾಗಿದೆ. ಹಿಂದಿನ ಹಣಕಾಸು ವರ್ಷದ ಡಿಸೆಂಬರ್‌ ತ್ರೈಮಾಸಿಕದಲ್ಲಿ ₹1,936.29 ಕೋಟಿ ಲಾಭ ಗಳಿಸಿತ್ತು. ಈ ಬಾರಿ ₹2,001.54 ಕೋಟಿಗೆ ಏರಿಕೆ ಆಗಿದೆ. ನಿರ್ವಹಣಾ ವೆಚ್ಚವು ₹2,126.33 ಕೋಟಿಯಿಂದ ₹3,179.08 ಕೋಟಿಗೆ ಹೆಚ್ಚಳವಾಗಿದೆ ಎಂದು ಕಂಪನಿಯು ವಿವರಿಸಿದೆ.