ಇನ್ಫೊಸಿಸ್‌ ಸಿಇಒ ಆಗಿ ಸಲೀಲ್‌ ಪಾರೇಖ್‌ ಮರು ನೇಮಕ

ನವದೆಹಲಿ: ಸಲೀಲ್‌ ಪಾರೇಖ್‌ ಅವರನ್ನು ಸಿಇಒ ಆಗಿ ಇನ್ನೂ ಐದು ವರ್ಷಗಳ ಅವಧಿಗೆ ಮರು ನೇಮಕ ಮಾಡಲು ಇನ್ಫೊಸಿಸ್‌ ಆಡಳಿತ ಮಂಡಳಿ ಒಪ್ಪಿಗೆ ನೀಡಿದೆ.

ಶನಿವಾರ ನಡೆದ ನಿರ್ದೇಶಕರ ಮಂಡಳಿ ಸಭೆಯಲ್ಲಿ ಈ ನಿರ್ಧಾರಕ್ಕೆ ಬರಲಾಗಿದೆ. ಸಲೀಲ್‌ ಅವರ ಅಧಿಕಾರ ಅವಧಿಯು ಈ ವರ್ಷದ ಜುಲೈ 1ರಿಂದ 2027ರ ಮಾರ್ಚ್‌ 31ರವರೆಗೆ ಇರಲಿದೆ ಎಂದು ಕಂಪನಿಯು ಷೇರುಪೇಟೆಗೆ ಮಾಹಿತಿ ನೀಡಿದೆ. ಈ ನೇಮಕಕ್ಕೆ ಷೇರುದಾರರ ಒಪ್ಪಿಗೆ ದೊರೆಯಬೇಕಿದೆ.