ಎಲ್‌ಐಸಿಗೆ ಹೊಸ ಸಿಇಒ ನೇಮಕ

ನವದೆಹಲಿ: ಭಾರತೀಯ ಜೀವ ವಿಮಾ ನಿಗಮದ (ಎಲ್‌ಐಸಿ) ವ್ಯವಸ್ಥಾಪಕ ನಿರ್ದೇಶಕ ಮತ್ತು ಸಿಇಒ ಆಗಿ ಸತ್ ಪಾಲ್ ಭಾನೂ ಅವರಿಗೆ ಹೆಚ್ಚುವರಿ ಜವಾಬ್ದಾರಿ ನೀಡಲಾಗಿದೆ.

ಈ ಹಿಂದಿನ ವ್ಯವಸ್ಥಾಪಕ ನಿರ್ದೇಶಕ ಮತ್ತು ಸಿಇಒ ಆಗಿದ್ದ ಸಿದ್ಧಾರ್ಥ ಮೊಹಂತಿ ಅವರ ಅಧಿಕಾರಾವಧಿಯು ಜೂನ್‌ 7ರಂದು ಮುಕ್ತಾಯಗೊಂಡಿದೆ. ಇವರು 1985ರಲ್ಲಿ ಎಲ್‌ಐಸಿಗೆ ಸೇರ್ಪಡೆಗೊಂಡಿದ್ದರು. ಇವರಿಂದ ತೆರವಾಗಿರುವ ಈ ಸ್ಥಾನಕ್ಕೆ ಹಣಕಾಸು ಸೇವೆಗಳ ಇಲಾಖೆಯು ಭಾನೂ ಅವರನ್ನು ನೇಮಿಸಿದೆ.

ಭಾನೂ ಅವರು ಎಲ್ಐಸಿಯ ನಾಲ್ಕು ವ್ಯವಸ್ಥಾಪಕ ನಿರ್ದೇಶಕರ ಪೈಕಿ ಹಿರಿಯರಾಗಿದ್ದಾರೆ. ಭಾನೂ ಅವರ ಅಧಿಕಾರಾವಧಿಯು ಸೆಪ್ಟೆಂಬರ್‌ 7 ಅಥವಾ ಹೊಸ ವ್ಯವಸ್ಥಾಪಕ ನಿರ್ದೇಶಕ ಮತ್ತು ಸಿಇಒ ನೇಮಕವಾಗುವವರೆಗೆ ಇರಲಿದೆ ಎಂದು ಪ್ರಕಟಣೆ ತಿಳಿಸಿದೆ.