ಜೂನ್‌ ಆರಂಭದಲ್ಲಿ 5ಜಿ ತರಂಗಾಂತರ ಹರಾಜು ಸಾಧ್ಯತೆ

ನವದೆಹಲಿ: ಕೇಂದ್ರ ಸರ್ಕಾರವು ಜೂನ್‌ ತಿಂಗಳ ಆರಂಭದಲ್ಲಿ 5ಜಿ ತರಂಗಾಂತರ ಹರಾಜು ಹಾಕುವ ಸಾಧ್ಯತೆ ಇದೆ ಎಂದು ದೂರಸಂಪರ್ಕ ಸಚಿವ ಅಶ್ವಿನಿ ವೈಷ್ಣವ್ ಹೇಳಿದ್ದಾರೆ.

ಹರಾಜು ಸಂಬಂಧಿಸಿದಂತೆದೂರಸಂಪರ್ಕ ಇಲಾಖೆಯು ನಿರೀಕ್ಷಿತ ಕಾಲಮಿತಿಯಂತೆಯೇ ಕೆಲಸ ಮಾಡುತ್ತಿದೆ. ತರಂಗಾಂತರ ದರದ ಬಗ್ಗೆ ಉದ್ಯಮ ವಲಯ ಹೊಂದಿರುವ ಆತಂಕವನ್ನು ನಿವಾರಿಸುವ ಕೆಲಸ ನಡೆಯುತ್ತಿದೆ ಎಂದು ತಿಳಿಸಿದ್ದಾರೆ. ಆಗಸ್ಟ್‌–ಸೆಪ್ಟೆಂಬರ್ ವೇಳೆಗೆದೇಶದಲ್ಲಿ 5ಜಿ ಸೇವೆಗಳು ಬಳಕೆಗೆ ಲಭ್ಯವಾಗಲಿವೆ ಎಂದೂ ಹೇಳಿದ್ದಾರೆ.