ಯುಎಸ್‌ಟಿ ಬೆಂಗಳೂರು: 6 ಸಾವಿರ ನೇಮಕ

ಬೆಂಗಳೂರು: ಡಿಜಿಟಲ್ ಸೇವೆಗಳನ್ನು ನೀಡುವ ಯುಎಸ್‍ಟಿ ಕಂಪನಿಯ ಬೆಂಗಳೂರು ಕೇಂದ್ರದಲ್ಲಿ ಸದ್ಯ 6 ಸಾವಿರಕ್ಕೂ ಅಧಿಕ ಉದ್ಯೋಗಿಗಳಿದ್ದು, 2023ರ ವೇಳೆಗೆ ಉದ್ಯೋಗಿಗಳ ಸಂಖ್ಯೆಯನ್ನು 12 ಸಾವಿರಕ್ಕೆ ಹೆಚ್ಚಿಸುವ ಯೋಜನೆ ಹೊಂದಿರುವುದಾಗಿ ಕಂಪನಿ ಹೇಳಿದೆ.

18ರಿಂದ 24 ತಿಂಗಳುಗಳಲ್ಲಿ ಬೆಂಗಳೂರು ಕೇಂದ್ರವು ಹೊಸ ಪದವೀಧರರನ್ನು (ಎಂಜಿನಿಯರಿಂಗ್ ಪದವೀಧರರು) ಮತ್ತು ಅನುಭವಿ ಎಂಜಿನಿಯರ್‌ಗಳನ್ನು ಕೆಲಸಕ್ಕೆ ತೆಗೆದುಕೊಳ್ಳಲಾಗುವುದು. ಆರೋಗ್ಯ ಸೇವೆ, ತಂತ್ರಜ್ಞಾನ, ಸಾರಿಗೆ, ಸೆಮಿಕಂಡಕ್ಟರ್‌ ಮತ್ತು ಬಿಎಫ್‍ಎಸ್‍ಐ (ಬ್ಯಾಂಕಿಂಗ್ ಮತ್ತು ಹಣಕಾಸು ಸೇವೆಗಳು ಮತ್ತು ವಿಮೆ) ಉತ್ಪನ್ನ ಮತ್ತು ಸೇವೆಗಳ ಮೇಲೆ ಗಮನ ಕೇಂದ್ರೀಕರಿಸಿ ನೇಮಕಾತಿ ನಡೆಸಲಾಗುತ್ತಿದೆ ಎಂದು ಪ್ರಕಟಣೆ ತಿಳಿಸಿದೆ.