ಒಬ್ಬ ಪರೀಕ್ಷಾರ್ಥಿಗೆ 11 ಸಿಬ್ಬಂದಿ!

ಆಲಮೇಲ (ವಿಜಾಪುರ ಜಿಲ್ಲೆ): ಮಂಗಳವಾರ ಪಿಯುಸಿ ದ್ವಿತೀಯ ವರ್ಷದ ಭೂಗೋಳಶಾಸ್ತ್ರ ಪರೀಕ್ಷೆಯಲ್ಲಿ ಒಬ್ಬ ವಿದ್ಯಾರ್ಥಿನಿ ಪರೀಕ್ಷೆ ಬರೆಯುತ್ತಿದ್ದರೆ, ಅವಳಿಗಾಗಿ 11 ಜನ ಸಿಬ್ಬಂದಿ ಕರ್ತವ್ಯ ನಿಭಾಯಿಸುತ್ತಿದ್ದರು!
ಈ ಘಟನೆ ನಡೆದಿದ್ದು ಇಲ್ಲಿಗೆ ಸಮೀಪದ ಕಡಣಿ ಗ್ರಾಮದ ಶ್ರೀ ಪರಮಾನಂದ ಭೋಗಲಿಂಗೇಶ್ವರ ಪದವಿ ಪೂರ್ವ ಮಹಾವಿದ್ಯಾಲಯದ ಪರೀಕ್ಷಾ ಕೇಂದ್ರದಲ್ಲಿ.

ದೇವಣಗಾಂವದ ಪ್ರಗತಿ ಶಿಕ್ಷಣ ಸಂಸ್ಥೆಯ ಕಾಲೇಜಿನ ವಿದ್ಯಾರ್ಥಿನಿ ಯೊಬ್ಬಳು ಭೂಗೋಳಶಾಸ್ತ್ರ ವಿಷಯ ತೆಗೆದುಕೊಂಡಿದ್ದರಿಂದ ಪರೀಕ್ಷೆ ಬರೆಯುತ್ತಿದ್ದಳು. ಒಬ್ಬ ಕೊಠಡಿ ಮೇಲ್ವಿಚಾರಕ, 3 ಜನ  ಸ್ಕ್ವಾಡ್, ಒಬ್ಬ ಮಹಿಳಾ ಪರಿಶೀಲಕಿ, ಒಬ್ಬ ಉತ್ತರಪತ್ರಿಕೆ ಪಾಲಕ, ಒಬ್ಬ ಪ್ರಶ್ನೆಪತ್ರಿಕೆ ಪಾಲಕ, ಕೇಂದ್ರದ ಮುಖ್ಯಸ್ಥ, ಜಂಟಿ ಪರೀಕ್ಷಾಧಿಕಾರಿ, ಕಾರ್ಯಾಲಯದ ಗುಮಾಸ್ತ, ಇಬ್ಬರು ಪೊಲೀಸರು ಸೇರಿದಂತೆ ಒಟ್ಟು 11 ಜನ ಸಿಬ್ಬಂದಿ ಪರೀಕ್ಷೆ ಕೇಂದ್ರದಲ್ಲಿ ಕರ್ತವ್ಯ ನಿಭಾಯಿಸುತ್ತ್ದ್ದಿದುದು ಕಂಡು ಬಂದಿತು.