23ರಂದು ರಂಗ ಗೀತೋತ್ಸವ

ಕನಕಪುರ: ತಾಲ್ಲೂಕಿನ ಸಾತನೂರು ಹೋಬಳಿ ಸಾಸಲಾಪುರ ಗ್ರಾಮದ ಕನ್ನಡ ಗೆಳೆಯರ ಬಳಗ ವತಿಯಿಂದ 23ರಂದು ಬೆಳಿಗ್ಗೆ 11 ಗಂಟೆಗೆ `ರಂಗ ಗೀತೋತ್ಸವ, ಕವಿಗೋಷ್ಠಿ ಹಾಗು ಗೀತಗಾಯನ ಕಾರ್ಯಕ್ರಮ ಆಯೋಜಿಸಲಾಗಿದೆ.

ಸಾತನೂರು ಸಂತೆಮಾಳದ ಮಹದೇಶ್ವರ ದೇವಸ್ಥಾನ ಸಮುದಾಯ ಭವನದಲ್ಲಿ ನಡೆಯಲಿರುವ ಈ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು  ನಿವೃತ್ತ ಕೃಷಿ ಅಧಿಕಾರಿ ರಂಗಸ್ವಾಮಿವಹಿಸಲಿದ್ದಾರೆ. ಸಾತನೂರು ಗ್ರಾಮ ಪಂಚಾಯಿತಿ ಅಧ್ಯಕ್ಷ ಚಂದ್ರಶೇಖರ್ ಉದ್ಘಾಟಿಸಲಿದ್ದಾರೆ.
 
ಸಾಹಿತಿ ರಾಮಲಿಂಗೇಶ್ವರ (ಸಿಸಿರಾ), ಜಿಲ್ಲಾ ಕಸಾಪ ಅಧ್ಯಕ್ಷ ಬಿ.ಟಿ.ಚಿಕ್ಕಪುಟ್ಟೇಗೌಡ, ವಚನ ಸಾಹಿತ್ಯ ಅಕಾಡೆಮಿ ಅಧ್ಯಕ್ಷ ಎಲ್ಲೇಗೌಡ ಬೆಸಗರಹಳ್ಳಿ ಮುಖ್ಯ ಅತಿಥಿಗಳಾಗಿ ಆಗಮಿಸಲಿದ್ದಾರೆ.  ಮರಳವಾಡಿ ಉಮಾಶಂಕರ್, ಶಿವಲಿಂಗಯ್ಯ, ಕಾ.ಪ್ರಕಾಶ್, ಕೂಗಿ ಗಿರಿಯಪ್ಪ, ಚಿಕ್ಕಮರೀಗೌಡ, ಸಿ.ಚಲುವರಾಜು,  ಇತರರು ಪಾಲ್ಗೊಳ್ಳಲಿದ್ದಾರೆ.