ಗೊಣ್ಣೆ ಹುಳುವಿನ ತಾಯಿ ಕೀಟ ನಿಯಂತ್ರಿಸಿ: ಅಂಬಿ

ಮುಧೋಳ: ತಾಲ್ಲೂಕಿನ ಒಂಟಗೋಡಿ, ಚನ್ನಾಳ, ಮಂಟೂರ, ಕಿಶೋರಿ, ಹಲಗಲಿ, ಲೋಕಾಪುರ ಮುಂತಾದ ಭಾಗಗಳಲ್ಲಿ ಕಬ್ಬು, ಗೋವಿನ ಜೋಳ, ಬಾಳೆ ಮುಂತಾದ ಬೆಳೆಗಳಿಗೆ ಮಾರಕವಾದ ಗೊಣ್ಣೆ ಹುಳುವಿನ ತಾಯಿ ಕೀಟಗಳ ಭಾದೆ ಉಂಟಾಗಿದ್ದು ಕೃಷಿ ಇಲಾಖೆಯ ಸಲಹೆಗಳನ್ನು ಪಡೆದು ರೈತರು ಸಾಮೂಹಿಕವಾಗಿ ನಿಯಂತ್ರಣಕ್ಕೆ ಸಜ್ಜಾಗಬೇಕು ಎಂದು ಸಹಾಯಕ ಕೃಷಿ ನಿರ್ದೇಶಕ ಎಚ್.ವಿ. ಅಂಬಿ ಹೇಳಿದ್ದಾರೆ.

ಈ ಕುರಿತು ಪ್ರಕಟಣೆ ನೀಡಿರುವ ಅವರು ಈ ಕೀಟಗಳು ಬೇರುಗಳನ್ನು ಕಡಿಯುವುದರಿಂದ ಶೇ. 30 ರಿಂದ ಶೇ 60ರಷ್ಟು ಬೆಳೆಗಳಿಗೆ ಹಾನಿ ಮಾಡ ಬಹುದಾಗಿದೆ. ಈ ಕುರಿತು ಇಲಾಖೆ ಜನಜಾಗೃತಿಯಲ್ಲಿ ನಿರತವಾಗಿದೆ. ಈ ಕೀಟ ನಿಯಂತ್ರಿಸಲು ಮುಧೋಳ, ಲೋಕಾಪುರ ರೈತ ಸಂಪರ್ಕ ಕೇಂದ್ರಗಳಿಗೆ ಅಥವಾ ಸಹಾಯಕ ಕೃಷಿ ನಿರ್ದೇಶಕರ ಸಂಪರ್ಕಿಸಬೇಕು ಎಂದು ಅಂಬಿ ಹೇಳಿದ್ದಾರೆ.