ಹುನಗುಂದ | ನಿರಂತರ ಹೊಟ್ಟೆ ನೋವು ತಾಳಲಾರದೇ ಮನನೊಂದು ಯುವತಿ ಆತ್ಮಹತ್ಯೆ

ಹುನಗುಂದ: ಪಟ್ಟಣದ ಮಹಾಂತನಗರದಲ್ಲಿ ಬುಧವಾರ ಯುವತಿಯೊಬ್ಬರು ನೇಣು ಹಾಕಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

ಇಳಕಲ್ ತಾಲ್ಲೂಕಿನ ಎಸ್.ಕೆ. ಗೋನಾಳ ಗ್ರಾಮದ ಸುಮಾ ಮಲ್ಲಪ್ಪ ಕುಂಬಾರ (22) ಮೃತ ಯುವತಿ.

ನಿರಂತರ ಹೊಟ್ಟೆ ನೋವು ತಾಳಲಾರದೇ ಮನನೊಂದು ಪಟ್ಟಣದ ಮಹಾಂತನಗರದಲ್ಲಿನ ಅಣ್ಣನ ಬಾಡಿಗೆ ಮನೆಯ ಬೆಡ್‌ರೂಮ್‌ನಲ್ಲಿ ಸೀರೆಯಿಂದ ನೇಣು ಹಾಕಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ ಎಂದು ಮೃತ ಯುವತಿ ತಾಯಿ ರತ್ನಮ್ಮ ಕುಂಬಾರ ಪಟ್ಟಣದ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.