ನವಿಲು ಬೇಟೆ: ಒಬ್ಬನ ಬಂಧನ

ಜಮಖಂಡಿ: ತಾಲ್ಲೂಕಿನ ಕುಂಬಾರಹಳ್ಳ ಗ್ರಾಮದ ವ್ಯಾಪ್ತಿಯಲ್ಲಿ ಗುರುವಾರ ನವಿಲು ಬೇಟೆಯಾಡುತ್ತಿದ್ದ ಅದೇ ಗ್ರಾಮದ ಯಲ್ಲಪ್ಪ ಕೋಳಿ ಎಂಬಾತನನ್ನು ಅರಣ್ಯ ಇಲಾಖೆ ಅಧಿಕಾರಿಗಳು ಬಂಧಿಸಿದ್ದು, ಇನ್ನಿಬ್ಬರು ಆರೋಪಿಗಳಾದ ಭೀಮಶಿ ಕೋಳಿ ಹಾಗೂ ಶಂಕರ ಕೋಳಿ ಪರಾರಿಯಾಗಿದ್ದಾರೆ.

‘ಒಂದು ನವಿಲಿನ ಮೃತ ದೇಹ, ವಿಷಪೂರಿತ ಧಾನ್ಯ ವಶಪಡಿಸಿಕೊಳ್ಳಲಾಗಿದೆ. ಪ್ರಕರಣ ದಾಖಲಿಸಿಕೊಂಡು ಆರೋಪಿಯನ್ನು ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ. ಪರಾರಿಯಾದ ಇಬ್ಬರು ಆರೋಪಿಗಳನ್ನು ಶೋಧ ಮಾಡಲಾಗುವುದು’ ಎಂದು ವಲಯ ಅರಣ್ಯಾಧಿಕಾರಿ ಕಿರಣ ದಾಸರೆಡ್ಡಿ ತಿಳಿಸಿದ್ದಾರೆ.