ADVERTISEMENT

ಮುಚಖಂಡಿ: ವೀರಭದ್ರೇಶ್ವರ ರಥೋತ್ಸವ ಡಿ.9ಕ್ಕೆ

​ಪ್ರಜಾವಾಣಿ ವಾರ್ತೆ
Published 30 ನವೆಂಬರ್ 2025, 3:10 IST
Last Updated 30 ನವೆಂಬರ್ 2025, 3:10 IST
ವೀರಭದ್ರೇಶ್ವರ
ವೀರಭದ್ರೇಶ್ವರ   

ಬಾಗಲಕೋಟೆ: ತಾಲ್ಲೂಕಿನ ಮುಚಖಂಡಿ ವೀರಭದ್ರೇಶ್ವರ ಜಾತ್ರಾಮಹೋತ್ಸವವು ಡಿ.5ರಿಂದ ಡಿ10ರವರೆಗೂ ಅದ್ದೂರಿಯಾಗಿ ಜರುಗಲಿದ್ದು, ಡಿ.9ಕ್ಕೆ ಸಂಜೆ 5ಕ್ಕೆ ರಥೋತ್ಸವ ಜರುಗಲಿದೆ. ಡಿ.5ರಿಂದ ಡಿ.8ಕ್ಕೆ ಸಂಜೆ 7ಕ್ಕೆ ಚಿಕ್ಕ ರಥೋತ್ಸವ ನಡೆಯಲಿದೆ.

ಅಯ್ಯಾಚಾರ: ಡಿ.7ರಂದು ಬೆಳಿಗ್ಗೆ 6ಕ್ಕೆ ರುದ್ರಾಭಿಷೇಕ, ಅಯ್ಯಾಚಾರ ಮತ್ತು ಶಿವದೀಕ್ಷೆ, ಬಿಲ್‌ಕೆರೂರಿನ ಬಿಲ್ವಾಶ್ರಮದ ಸಿದ್ಧಲಿಂಗ ಶಿವಾಚಾರ್ಯರ ಸ್ವಾಮೀಜಿ, ಗುಳೇದಗುಡ್ಡದ ಕಾಡಸಿದ್ದೇಶ್ವರ ಸಂಸ್ಥಾನ ಮರಡಿಮಠದ ಕಾಡಸಿದ್ಧೇಶ್ವರ ಶಿವಾಚಾರ್ಯ ಸ್ವಾಮೀಜಿ ಸಾನ್ನಿಧ್ಯದಲ್ಲಿ ನಡೆಯಲಿದೆ. ನಂತರ ಅನ್ನಸಂತರ್ಪಣೆ ನಡೆಯಲಿದೆ.

ರಥೋತ್ಸವದ ನಂತರ ಕಾರ್ತೀಕೋತ್ಸವ ವಿಜೃಂಭಣೆಯಿಂದ ಅಚರಿಸಲಾಗುವುದು, ರಾತ್ರಿ 10.30ಕ್ಕೆ ಶ್ರೀಕೃಷ್ಣ ಪಾರೀಜಾತ ಪ್ರದರ್ಶನಗೊಳ್ಳುವುದು.

ADVERTISEMENT

ಕುಸ್ತಿ ಸ್ಪರ್ಧೆ: ಡಿ.10ರಂದು ಸಂಜೆ 4ಕ್ಕೆ ಕುಸ್ತಿ ಸ್ಪರ್ಧೆಗಳು ಜರುಗಲಿವೆ. ಡಿ.16ರಂದು ಮರಿ ಕಾರ್ತೀಕೋತ್ಸವ ಜರಗುವುದು. ಅಯ್ಯಾಚಾರವನ್ನು ಮಾಡಿಸಿಕೊಳ್ಳುವವರು ವೀರಭದ್ರೇಶ್ವರ ಜೀರ್ಣೋದ್ಧಾರ ಸಮಿತಿಯಲ್ಲಿ ಹೆಸರು ನೋಂದಾಯಿಸಬೇಕು.  ಭಕ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಳ್ಳಬೇಕು ಎಂದು ದೇವಸ್ಥಾನ ಸಮಿತಿ ಪ್ರಕಟಣೆ ತಿಳಿಸಿದೆ.

ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.