‘ಕೊಟ್ಟೂರಿನಲ್ಲಿ ನ್ಯಾಯಾಲಯ ಆರಂಭಿಸಿ’

ಕೊಟ್ಟೂರು: ‘ಘೋಷಿತ ನೂತನ ತಾಲ್ಲೂಕು ಕೊಟ್ಟೂರಿನಲ್ಲಿ ಜನತೆಗೆ ಅನುಕೂಲವಾಗಲು ಕೂಡಲೇ ಸಿವಿಲ್ ಜಡ್ಜ್ ಹಾಗೂ ಪ್ರಥಮ ದರ್ಜೆ ನ್ಯಾಯಿಕ ದಂಡಾಧಿಕಾರಿಗಳ ನ್ಯಾಯಾಲಯವನ್ನು ಆರಂಭಿಸಬೇಕು’ ಎಂದು ವಕೀಲ ಡಿ.ಲಿಂಗರಾಜ್ ಒತ್ತಾಯಿಸಿದರು.

ಈ ಕುರಿತು ಪ್ರಕಟಣೆ ನೀಡಿರುವ ಅವರು, ‘ಶೀಘ್ರದಲ್ಲಿಯೇ ಹಿರಿಯ ವಕೀಲ ಟಿ.ಎಂ.ಸೋಮಯ್ಯ ನೇತೃತ್ವದಲ್ಲಿ ಕೂಡ್ಲಿಗಿಗೆ ತೆರಳಿ ತಹಶೀಲ್ದಾರ ಅವರಿಗೆ ಮನವಿ ಸಲ್ಲಿಸಲಾಗುವುದು.

ಈ ಹಿಂದೆ ಕೊಟ್ಟೂರಿನಲ್ಲಿ ಹೆಚ್ಚುವರಿ ನ್ಯಾಯಾಲಯ ಸ್ಧಾಪಿಸುವ ಯೋಜನೆ ಸಿದ್ದಗೊಂಡಿತ್ತು. ಈ ಕಾರಣಕ್ಕಾಗಿ ನ್ಯಾಯಾಧೀಶರು ಮತ್ತು ಹಿರಿಯ ವಕೀಲರು ಬಂದು ಸ್ಧಳ ಪರಿಶೀಲನೆ ಮಾಡಿದ್ದರು. ಸರ್ಕಾರ ಕೂಡ ಈ ಬೇಡಿಕೆಗೆ ಸ್ಪಂದಿಸಿತ್ತು.  ಆದರೆ, ಕಾರಣಾತರದಿಂದ ಹೆಚ್ಚುವರಿ ನ್ಯಾಯಾಲಯ ಸ್ಧಾಪನೆ ಪ್ರಕ್ರಿಯೆ ಸ್ಧಗಿತಗೊಂಡಿತು’ ಎಂದರು.

‘ಬರುವ ಜನವರಿಯಿಂದ ಕೊಟ್ಟೂರು ನೂತನ ತಾಲ್ಲೂಕು ಕೇಂದ್ರವಾಗಲಿದೆ. ಸರ್ಕಾರ ಎಲ್ಲ ಇಲಾಖೆಗಳ ಕಚೇರಿಗಳನ್ನು ಆರಂಭಿಸುತ್ತಿದ್ದು, ಅದರ ಜೊತೆಗೆ ನ್ಯಾಯಾಲಯದ ಸ್ಧಾಪನೆಗೂ ಮುಂದಾಗಬೇಕು’ ಎಂದು ಆಗ್ರಹಿಸಿದರು.