ಬೋನಿಗೆ ಬಿದ್ದ ಮೂರನೇ ಚಿರತೆ: ಮತ್ತೊಂದು ಚಿರತೆ ಪ್ರತ್ಯಕ್ಷ

ಕಂಪ್ಲಿ (ಬಳ್ಳಾರಿ ಜಿಲ್ಲೆ): ತಾಲ್ಲೂಕಿ ದೇವಲಾಪುರ ಗ್ರಾಮದಲ್ಲಿ ಡಿ.25ರಂದು ಬಾಲಕಿಯನ್ನು ಬಲಿ ಪಡೆದಿದ್ದ ಕರಿಮಟ್ಟಿ ಪ್ರದೇಶದ ಬಳಿ ಚಿರತೆಯೊಂದು ಭಾನುವಾರ ಬೋನಿಗೆ ಬಿದ್ದಿದೆ. ತಾಲ್ಲೂಕಿನಲ್ಲಿ ಈ ತಿಂಗಳು ಸೆರೆಯಾದ ಚಿರತೆಗಳ ಪೈಕಿ ಇದು ಮೂರನೆಯದು.

ಅದರ ಬೆನ್ನಿಗೇ, ತಾಲ್ಲೂಕಿನ ಮೆಟ್ರಿ ಗ್ರಾಮದ ನಾಗಲಿಂಗಪ್ಪನ ಗವಿಯ ಬಳಿ ಮತ್ತೊಂದು ಚಿರತೆ ಕಾಣಿಸಿಕೊಂಡಿದ್ದು ಜನರಲ್ಲಿ ಆತಂಕ ಮೂಡಿಸಿದೆ. ಮೆಟ್ರಿ ಗ್ರಾಮದ ದಿನೇಶ್‌ ಮತ್ತು ಸ್ವಾಮಿ ಭಾನುವಾರ ಬೆಳಿಗ್ಗೆ 7ರ ಸುಮಾರಿಗೆ ಗುಡ್ಡದಿಂದ ಕುರಿಗಳಿಗೆ ಹಸಿರು ತೊಪ್ಪಲು ತೆಗೆದುಕೊಂಡು ಬರುತ್ತಿದ್ದರು. ಈ ಸಂದರ್ಭದಲ್ಲಿ ಚಿರತೆ ಕಾಣಿಸಿಕೊಂಡಿದೆ.