ಬಿರುಗಾಳಿ ಮಳೆ; ಬಾಳೆತೋಟಕ್ಕೆ ಹಾನಿ

ಹೊಸಪೇಟೆ: ಬಳ್ಳಾರಿ ಜಿಲ್ಲೆಯ ಹಲವೆಡೆ ಭಾನುವಾರ ತಡರಾತ್ರಿ ಬಿರುಗಾಳಿ ಸಮೇತ ಮಳೆಯಾಗಿದ್ದು, ವಾತಾವರಣ ತಂಪಾಗಿತ್ತು.

ಬಿರುಗಾಳಿ ಮಳೆಗೆ ಹೂವಿನಹಡಗಲಿ ತಾಲ್ಲೂಕಿನ ಹಿರೇಬನ್ನಿಮಟ್ಟಿಯಲ್ಲಿ ಗಳಗನಾಥ ಹಾಲೇಶ್‌ ಎಂಬುವರ ಐದು ಎಕರೆ ಬಾಳೆತೋಟ ಸಂಪೂರ್ಣ ನೆಲಕಚ್ಚಿದೆ. ವಿದ್ಯುತ್‌ ಕಂಬ ನೆಲಕ್ಕುರುಳಿದೆ.

ಕೂಡ್ಲಿಗಿಯಲ್ಲಿ ಮುಕ್ಕಾಲು ತಾಸು ಮಳೆಯಾದರೆ, ಕೊಟ್ಟೂರು, ಹೊಸಪೇಟೆ, ಸಂಡೂರು ತಾಲ್ಲೂಕಿನಲ್ಲಿ ಸಾಧಾರಣ ಮಳೆಯಾಗಿದೆ.