ಹೊಸಪೇಟೆ: ಇಲ್ಲಿನ ತುಂಗಭದ್ರಾ ಜಲಾಶಯದ ಒಳಹರಿವು ಸತತ ಎರಡನೇ ದಿನವೂ ಇಳಿಮುಖಗೊಂಡಿದೆ.
ಬುಧವಾರ 22, 443 ಕ್ಯುಸೆಕ್ ಒಳಹರಿವು ದಾಖಲಾಗಿದೆ. ಮಂಗಳವಾರ 31,498 ಕ್ಯುಸೆಕ್, ಸೋಮವಾರ 33,022 ಕ್ಯುಸೆಕ್, ಭಾನುವಾರ 17,138 ಕ್ಯುಸೆಕ್ ಒಳಹರಿವು ಇತ್ತು.
1,633 ಅಡಿ ನೀರು ಸಂಗ್ರಹ ಸಾಮರ್ಥ್ಯದ ಜಲಾಶಯದಲ್ಲಿ ಸದ್ಯ 1,609.53 ಅಡಿ ನೀರಿನ ಸಂಗ್ರಹವಿದೆ. 289 ಕ್ಯುಸೆಕ್ ಹೊರಹರಿವು ಇದೆ.
‘ಜಲಾನಯನ ಪ್ರದೇಶದಲ್ಲಿ ಮಳೆ ತಗ್ಗಿದೆ. ಸಹಜವಾಗಿಯೇ ಒಳಹರಿವು ಕೂಡ ಕಮ್ಮಿಯಾಗಿದೆ’ ಎಂದು ತುಂಗಭದ್ರಾ ಜಲಾಶಯ ಆಡಳಿತ ಮಂಡಳಿ ಮೂಲಗಳು ತಿಳಿಸಿವೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.