ದೊಡ್ಡಬಳ್ಳಾಪುರ:ಬಿಜೆಪಿ ಮುಖಂಡರ ಡಾಬಾ ಪಾರ್ಟಿ ವಿಡಿಯೊ ವೈರಲ್

ದೊಡ್ಡಬಳ್ಳಾಪುರ: ತಾಲ್ಲೂಕು ಬಿಜೆಪಿ ಇಬ್ಬರು ಮುಖಂಡರು ಡಾಬಾಯೊಂದರಲ್ಲಿ ಯುವತಿಯರೊಂದಿಗೆ ಕುಳಿತು ಮದ್ಯ ಸೇವಿಸುತ್ತಾ ಅಸಭ್ಯವಾಗಿ ಮಾತನಾಡುತ್ತಿರುವ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಅಗಿದೆ.

ಟಿಎಪಿಸಿಎಂಎಸ್ ಚುನಾವಣಾ ಪ್ರಚಾರದ ಭರಾಟೆ ನಡುವೆ ಈ ವಿಡಿಯೊ ಸಾಕಷ್ಟು ಸಂಚಲನ ಮೂಡಿಸಿದೆ. ಶಿಸ್ತಿನ ಪಕ್ಷ ಎಂದೇ ಹೆಸರಾಗಿರುವ ಬಿಜೆಪಿಯಲ್ಲಿ ಜವಾಬ್ದಾರಿ ಸ್ಥಾನದಲ್ಲಿ ಇರುವ ಮುಖಂಡರು ಯುವತಿಯರೊಂದಿಗೆ ಈ ರೀತಿ ಡಾಬಾದಲ್ಲಿ ಕುಳಿತು ಕುಡಿಯುತ್ತಾ ಬಾಯಿಗೆ ಬಂದಂತೆ ಹರಟುವುದು ಎಷ್ಟರ ಮಟ್ಟಿಗೆ ಸರಿ ಎನ್ನುವ ಮಾತುಗಳು ಸಾರ್ವಜನಿಕ ವಲಯದಲ್ಲಿ ಕೇಳಿ ಬಂದಿದೆ.