ಹೊಸಕೋಟೆ: ಬೆಂಬಿಡದೆ ಸುರಿದ ಮಳೆ

ಹೊಸಕೋಟೆ: ಕಳೆದ ನಾಲ್ಕು ದಿನಗಳಿಂದ ತಾಲ್ಲೂಕಿನಾದ್ಯಂತ ಬೆಂಬಿಡದೆ ಮಳೆ ಸುರಿಯುತ್ತಿದೆ.

ಮಳೆಯಿಂದ ನಗರದ ರಸ್ತೆಗಳು ನೀರಿನಿಂದ ಆವೃತ್ತವಾಗಿವೆ. ವಾಹನ ಸವಾರರು ಮತ್ತು ಪಾದಚಾರಿಗಳು ಓಡಾಡಲು ಸಾಧ್ಯವಾಗುತ್ತಿಲ್ಲ. ಮಳೆಯಿಂದ ಜನರ ದಿನನಿತ್ಯದ ಚಟುವಟಿಕೆಗೆ ಅಡ್ಡಿಯಾಗಿದೆ.

ರಸ್ತೆ ಮತ್ತು ತಗ್ಗು ಪ್ರದೇಶಗಳಿಗೆ ಮಳೆ ನೀರು ನುಗ್ಗಿದೆ. ನೀರು ಹೊತ್ತು ತಂದ ಕಸ ಅಹಸ್ಯ ಹುಟ್ಟಿಸುತ್ತಿದೆ.

ಖಾಸಗಿ–ಶಾಲಾ–ಕಾಲೇಜುಗಳಿಗೆ ವಿದ್ಯಾರ್ಥಿಗಳು ಮಳೆಯಲ್ಲಿಯೇ ನೆನೆದುಕೊಂಡು ಹೋದರು.

ಶುಕ್ರವಾರ, ಶನಿವಾರ ಮತ್ತು ಭಾನುವಾರ ಸಂಜೆ ತಾಲ್ಲೂಕಿನಲ್ಲಿ ಸಂಜೆ ಮಳೆ ಜೋರಾಗಿ ಸುರಿಯಿತು. ಸೋಮವಾರ ಮಾತ್ರ ತುಂತುರು ಮಳೆ ಸುರಿಯಿತು.  ಆಕಾಶದಲ್ಲಿ ಮೋಡಗಳು ಸುಳಿದಾಡಿದವಾದರೂ, ಭರ್ಜರಿ ಮಳೆಯಾಗಲಿಲ್ಲ.