ದೊಡ್ಡಬಳ್ಳಾಪುರದ ತಳಗವಾರದಲ್ಲಿ ₹15.83 ಕೋಟಿ ರಸ್ತೆ ಅಭಿವೃದ್ಧಿ ಕಾಮಗಾರಿಗೆ ಚಾಲನೆ

ದೊಡ್ಡಬಳ್ಳಾಪುರ:ತಾಲ್ಲೂಕಿನ ತಳಗವಾರದಲ್ಲಿ ಪ್ರಧಾನ ಮಂತ್ರಿ ಗ್ರಾಮ ಸಡಕ್ ಯೋಜನೆಯಡಿಯಲ್ಲಿ ವಿವಿಧ ಗ್ರಾಮಗಳಲ್ಲಿ ಕೈಗೊಂಡಿರುವ₹ 15.83 ಕೋಟಿ ರಸ್ತೆ ಅಭಿವೃದ್ಧಿ ಕಾಮಗಾರಿಗೆ ಸಂಸದ ಬಿ.ಎನ್.ಬಚ್ಚೇಗೌಡ ಚಾಲನೆ ನೀಡಿದರು.

ಈ ಸಂದರ್ಭದಲ್ಲಿ ಮಾತನಾಡಿದ ಅವರು, ಪ್ರಧಾನ ಮಂತ್ರಿ ಗ್ರಾಮ ಸಡಕ್ ಯೋಜನೆಯಡಿ, 209 ಕಿ.ಮೀ ರಸ್ತೆಗೆ ₹173 ಕೋಟಿ ಮಂಜೂರಾಗಿದೆ. ಎಂದು ಹೇಳಿದರು.

ಗ್ರಾಮೀಣ ಪ್ರದೇಶಗಳಲ್ಲಿ ರಸ್ತೆಗಳ ಅಭಿವೃದ್ದಿಗೆ ಕೇಂದ್ರ ಸರ್ಕಾರದ ಪ್ರಧಾನ ಮಂತ್ರಿ ಗ್ರಾಮ ಸಡಕ್ ಯೋಜನೆ ಮಹತ್ವ
ದ್ದಾಗಿದ್ದು, ಪ್ರತಿ ಗ್ರಾಮಗಳ ಸಂಪರ್ಕಕ್ಕೆ ಹೆಚ್ಚು ಅನುಕೂಲವಾಗಿದೆ. ಬೆಂಗಳೂರು ಗ್ರಾಮಾಂತರ ಜಿಲ್ಲೆಗೆ 98 ಕಿ.ಮೀ ರಸ್ತೆ ಕಾಮಗಾರಿಗಳಿಗೆ ಚಾಲನೆ ನೀಡಲಾಗಿದೆ. ದೊಡ್ಡಬಳ್ಳಾಪುರ ತಾಲೂಕಿನ ತಳಗವಾರ-ಕೊಳೂರು-ಹೊನ್ನಾಘಟ್ಟ ಸಂಪರ್ಕ ರಸ್ತೆಯ 5 ಕಿ.ಮೀ, ಗುಂಡ ಸಂದ್ರ-ತೂಬಗೆರೆ-ನೆಲೆಗುದಿಗೆ ರಸ್ತೆ 4 ಕಿ.ಮೀ, ಕೆ.ಕೆ.ರಸ್ತೆ-ನೆಲಕುಂಟೆ ಪಾಳ್ಯ-ನಾಗಶೆಟ್ಟಿಹಳ್ಳಿ-ತಿಪ್ಪೂರು-ಬೊಮ್ಮನಹಳ್ಳಿ-ಮಾಡೇಶ್ವರ ಗ್ರಾಮ ಸಂಪರ್ಕಕ್ಕೆ 14 ಕಿ.ಮೀ ಸೇರಿ ₹15.83 ಕೋಟಿ ಬಿಡುಗಡೆ ಮಾಡಲಾಗಿದೆ ಎಂದರು.

ಶಾಸಕ ಟಿ.ವೆಂಕಟರಮಣಯ್ಯ, ಜಿ.ಪಂ ಅಧ್ಯಕ್ಷೆ ಜಯಮ್ಮ ಲಕ್ಷ್ಮೀನಾರಾಯಣ್, ಪಿಕಾರ್ಡ್ ಬ್ಯಾಂಕ್ ಅಧ್ಯಕ್ಷಲಕ್ಷ್ಮೀನಾರಾಣ್, ಅಶ್ವತ್ಥನಾರಾಯಣಗೌಡ ಇತರರು ಇದ್ದರು.