ಬೆಲೆ ಕಳೆದುಕೊಂಡ ಬದನೆ ಕಾಯಿ ಬೀದಿ ಪಾಲು!

ಸವದತ್ತಿ: ರೈತರು ತಿಂಗಳುಗಟ್ಟಲೆ ಬೆಳೆದ ಬದನೆಕಾಯಿಗೆ ಬೆಲೆ ಸಿಗದೇ ಹೋಗಿದ್ದರಿಂದ ಸಂತೆಯಲ್ಲಿ ಮಾರಾಟಕ್ಕೆ ತಂದ ಬದನೆಕಾಯಿಯನ್ನು ಸವದತ್ತಿಯ ಬುಧವಾರ ಸಂತೆಯ ಆವರಣದಲ್ಲಿ ರೈತರು ಬಿಟ್ಟು ಹೋದರು.

ಆವರಣದಲ್ಲಿದ್ದ ಬಿಡಾದಿ ದನಗಳಿಗೆ ಬದನೆಕಾಯಿ ಆಹಾರವಾಯಿತು. ಒಂದು ಪುಟ್ಟಿ ಬದನೆಕಾಯಿಗೆ ₹ 20 ಸಿಗದಿದ್ದಾಗ ಬೆಳೆ ಬೆಳೆದ ರೈತರು ಕಂಗಾಲಾಗಿ ಹೋದರು.‘ರೈತರು ಬಿತ್ತುವ ವೇಳೆಯಲ್ಲಿ ಬದನೆಗೆ ಒಳ್ಳೇ ಬೆಲೆ ಇತ್ತು, ಈಗ ಪಾತಾಳಕ್ಕೆ ಕುಸಿದಿದೆ. ಇದಕ್ಕೆ ಸರ್ಕಾರ ಸೂಕ್ತ ಪರಿಹಾರವನ್ನು ನೀಡಬೇಕು’ ಎಂದು ಸವದತ್ತಿಯ ಹಿರಿಯ ನಾಗರೀಕ ಬಸವರಾಜ ಕಾರದಗಿ ‘ಪ್ರಜಾವಾಣಿ’ ತಿಳಿಸಿದರು.