ದಕ್ಷಿಣ ಮತಕ್ಷೇತ್ರಕ್ಕೆ 1,748 ಮನೆಗಳು

ಬೆಳಗಾವಿ: ಇಲ್ಲಿನ ದಕ್ಷಿಣ ಮತ ಕ್ಷೇತ್ರದ ವಸತಿರಹಿತ ಬಡ ಕುಟುಂಬಗಳಿಗೆ ‘ಸರ್ವರಿಗೂ ಸೂರು ಯೋಜನೆ’ಯಲ್ಲಿ 1748 ಮನೆಗಳು ಮಂಜೂರಾಗಿವೆ.

‘ಕ್ಷೇತ್ರಕ್ಕೆ ರಾಜ್ಯದಲ್ಲಿಯೇ ಅತಿ ಹೆಚ್ಚಿನ ಗುರಿ ಪಡೆಯಲಾಗಿದೆ. ಇಲ್ಲಿ ಬಹಳಷ್ಟು ಜನರು ವಸತಿ ರಹಿತರಾಗಿದ್ದು ಅವರಿಗೆ ಸೂರು ಒದಗಿಸಲು ಕ್ರಮ ವಹಿಸಲಾಗಿದೆ. 2018ರಿಂದಲೂ ಆಗಾಗ ಮನವಿಗಳನ್ನು ಸಲ್ಲಿಸಿದ್ದೆ. 5ಸಾವಿರ ಮನೆಗಳನ್ನು ಒದಗಿಸುವಂತೆ ಮುಖ್ಯಮಂತ್ರಿ ಹಾಗೂ ವಸತಿ ಸಚಿವರಿಗೆ ಒತ್ತಾಯಿಸಿದ್ದೆ. ಈಗ ಮಂಜೂರಾದ ಮನೆಗಳ ನಿರ್ಮಾಣ ಕಾಮಗಾರಿಯ ಟೆಂಡರ್ ಪ್ರಕ್ರಿಯೆ ಪ್ರಗತಿಯಲ್ಲಿದೆ. ನವೆಂಬರ್ ವೇಳೆಗೆ ಆರಂಭಿಸುವ ಉದ್ದೇಶವಿದೆ’ ಎಂದು ಮಾಹಿತಿ ನೀಡಿದ್ದಾರೆ.

‌‘ನಗರದಲ್ಲಿರುವ 10 ಪ್ರದೇಶಗಳನ್ನು ‘ಘೋಷಿತ ಕೊಳಗೇರಿ’ಗಳೆಂದು ಪರಿಗಣಿಸುವಂತೆ ಪ್ರಸ್ತಾವ ಸಿದ್ದಪಡಿಸಲಾಗಿದೆ. ಅದನ್ನು ಸಂಬಂಧಿಸಿದ ಇಲಾಖೆಗೆ ಸಲ್ಲಿಸಿ, ಮೂಲಸೌಲಭ್ಯಗಳನ್ನು ಒದಗಿಸಲಾಗುವುದು’ ಎಂದು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.