ADVERTISEMENT

ರಾಷ್ಟ್ರೀಯ ಸೈಕ್ಲಿಂಗ್‌ ಟೂರ್ನಿಗೆ ಅಮೂಲ್ಯ, ಪ್ರೀತಿ ಆಯ್ಕೆ

​ಪ್ರಜಾವಾಣಿ ವಾರ್ತೆ
Published 5 ಡಿಸೆಂಬರ್ 2024, 5:19 IST
Last Updated 5 ಡಿಸೆಂಬರ್ 2024, 5:19 IST
ಅಮೂಲ್ಯ ಪೂಜಾರಿ, ಪ್ರೀತಿ ಹಳಬರ
ಅಮೂಲ್ಯ ಪೂಜಾರಿ, ಪ್ರೀತಿ ಹಳಬರ   

ಬೆಳಗಾವಿ: ಒಡಿಶಾದಲ್ಲಿ ಡಿಸೆಂಬರ್‌ 7ರಿಂದ 10ರವರೆಗೆ ನಡೆಯುವ 29ನೇ ರಾಷ್ಟ್ರೀಯ ರೋಡ್‌ ಸೈಕ್ಲಿಂಗ್‌ ಚಾಂಪಿಯನ್‌ಷಿಪ್‌ಗೆ ಜಿಲ್ಲೆಯ ಅಮೂಲ್ಯ ಪೂಜಾರಿ ಮತ್ತು ಪ್ರೀತಿ ಹಳಬರ ಆಯ್ಕೆಯಾಗಿದ್ದಾರೆ.

‘ಇಲ್ಲಿನ ಕ್ರೀಡಾ ಹಾಸ್ಟೆಲ್‌ನಲ್ಲಿ ತರಬೇತಿ ಪಡೆಯುತ್ತಿರುವ ಅಮೂಲ್ಯ ಪೂಜಾರಿ 16ರ ವಯೋಮಿತಿ ವಿಭಾಗದ ಸ್ಪರ್ಧೆಯಲ್ಲಿ ಹಾಗೂ ಪ್ರೀತಿ ಹಳಬರ ಅವರು 18ರ ವಯೋಮಿತಿ ವಿಭಾಗದ ಸ್ಪರ್ಧೆಯಲ್ಲಿ ಕರ್ನಾಟಕ ತಂಡ ಪ್ರತಿನಿಧಿಸುವರು’ ಎಂದು ಜಿಲ್ಲಾ ಸೈಕ್ಲಿಂಗ್‌ ಅಸೋಸಿಯೇಷನ್‌ ಪ್ರಧಾನ ಕಾರ್ಯದರ್ಶಿ ಆರ್‌.ಎಚ್‌. ಪೂಜಾರಿ ತಿಳಿಸಿದ್ದಾರೆ.

ಚೆನ್ನೈನಲ್ಲಿ ನವೆಂಬರ್ 15ರಿಂದ 19ರವರೆಗೆ ನಡೆದ 76ನೇ ಸೀನಿಯರ್‌, 53ನೇ ಜೂನಿಯರ್‌ ಮತ್ತು 39ನೇ ಸಬ್‌ ಜೂನಿಯರ್‌ ಟ್ರ್ಯಾಕ್‌ ಸೈಕ್ಲಿಂಗ್‌ ಚಾಂಪಿಯನ್‌ಶಿಪ್‌ನ 4 ಕಿ.ಮೀ. ವಿಭಾಗದ ಸ್ಪರ್ಧೆಯಲ್ಲಿ ಪ್ರೀತಿ ಹಳಬರ ಕಂಚಿನ ಪದಕ ಗಳಿಸಿದ್ದರು.

ADVERTISEMENT

ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.