ಬೆಳಗಾವಿ: ಚಿರತೆ ಸೆರೆಹಿಡಿಯುವ ಕಾರ್ಯಾಚರಣೆ- 22 ಶಾಲೆಗಳಿಗೆ ರಜೆ ಘೋಷಣೆ

ಬೆಳಗಾವಿ: ನಗರದ ಗಾಲ್ಫ್ ಮೈದಾನದಲ್ಲಿ ಚಿರತೆ ಸೆರೆಹಿಡಿಯುವ ಕಾರ್ಯಾಚರಣೆ ನಡೆಯುತ್ತಿದೆ. ಹಾಗಾಗಿ ಮುಂಜಾಗ್ರತೆ ದೃಷ್ಟಿಯಿಂದ ಮೈದಾನದ ಸಮೀಪದಲ್ಲಿರುವ 22 ಶಾಲೆಗಳಿಗೆ ನಗರ ಹಾಗೂ ಗ್ರಾಮೀಣ ಕ್ಷೇತ್ರ ಶಿಕ್ಷಣಾಧಿಕಾರಿಗಳು ಸೋಮವಾರ(ಆ.8) ರಜೆ ಘೋಷಿಸಿ, ಭಾನುವಾರ ರಾತ್ರಿ ಆದೇಶ ಹೊರಡಿಸಿದ್ದಾರೆ.

ನಗರ ವಲಯದಲ್ಲಿಹನುಮಾನ ನಗರ, ವಿಶ್ವೇಶ್ವರಯ್ಯ ನಗರದ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಗಳು, ಕುವೆಂಪು ನಗರ, ಸಹ್ಯಾದ್ರಿ ನಗರ, ಸದಾಶಿವ ನಗರದ ಸರ್ಕಾರಿ ಕಿರಿಯ ಪ್ರಾಥಮಿಕ(ಕನ್ನಡ ಹಾಗೂ ಮರಾಠಿ ಮಾಧ್ಯಮ) ಶಾಲೆಗಳು, ಕುವೆಂಪು ನಗರದ ಕೆಎಲ್ಇ ಅಂತಾರಾಷ್ಟ್ರೀಯ ಶಾಲೆ, ಕ್ಲಬ್ ರಸ್ತೆಯ ವನಿತಾ ವಿದ್ಯಾಲಯ ಆಂಗ್ಲ ಮಾಧ್ಯಮ ಶಾಲೆ, ಕ್ಯಾಂಪ್ ನ ಕೇಂದ್ರೀಯ ವಿದ್ಯಾಲಯ ಸಂಖ್ಯೆ 2, ಸೆಂಟ್ ಝೇವಿಯರ್ಸ್ ಪ್ರೌಢಶಾಲೆ, ಮರಾಠಿ ವಿದ್ಯಾನಿಕೇತನ, ಎನ್.ಪಿ.ಇ.ಟಿ., ದೂರದರ್ಶನ ನಗರದ ಸರ್ಕಾರಿ ಬಾಲಕಿಯರ ಉರ್ದು ಪ್ರಾಥಮಿಕ ಶಾಲೆ ರಜೆ ಘೋಷಿಸಲಾಗಿದೆ.

ಗ್ರಾಮೀಣ ವಲಯದಲ್ಲಿ ಹಿಂಡಲಗಾ ಮತ್ತು ವಿಜಯನಗರ ವ್ಯಾಪ್ತಿಯ 9 ಶಾಲೆಗಳಿಗೆ ರಜೆ ಘೋಷಣೆಯಾಗಿದೆ‌.