ಬೆಳಗಾವಿ | ಐಪಿಎಲ್‌ ಬೆಟ್ಟಿಂಗ್‌: ಆರೋಪಿ ಬಂಧನ

ಬೆಳಗಾವಿ: ಇಲ್ಲಿನ ಶಿಂಧಿ ಕಾಲೊನಿಯಲ್ಲಿನ ಐಪಿಎಲ್‌ ಬೆಟ್ಟಿಂಗ್‌ ಅಡ್ಡೆಯ ಮೇಲೆ ಭಾನುವಾರ ದಾಳಿ ಮಾಡಿದ ಸಿಇಎನ್‌ ಪೊಲೀಸರು, ಉದ್ಧವ್ ಜಯರಾಮದಾಸ್ ರೋಚಲಾನಿ (61) ಎಂಬ ಆರೋಪಿಯನ್ನು ಬಂಧಿಸಿದ್ದಾರೆ. ಇನ್ನೊಬ್ಬ ಆರೋಪಿ ಕರಣ್ ರೋಚಲಾನಿ ಸೇರಿ ಇನ್ನೂ ಕೆಲವರು ಪರಾರಿಯಾಗಿದ್ದಾರೆ.

‘ಕಾರ್ಯಾಚರಣೆ ವೇಳೆ 25 ಮೊಬೈಲ್‌ ಫೋನ್, ಟಿವಿ, ₹2 ಲಕ್ಷ ನಗದು ವಶಪಡಿಸಿಕೊಳ್ಳಲಾಗಿದೆ. ಪ್ರಕರಣ ದಾಖಲಿಸಿಕೊಳ್ಳಲಾಗಿದ್ದು, ತನಿಖೆ ಮುಂದುವರೆದಿದೆ’ ಎಂದು  ಸಿಇಎನ್‌ ಠಾಣೆ ಪೊಲೀಸರು ತಿಳಿಸಿದ್ದಾರೆ.