‘ತಾತ್ಕಾಲಿಕವಾಗಿ ವಾಪಸು, ಕೇಂದ್ರಕ್ಕೆ ನಿಯೋಗ ಒಯ್ಯಲಿ’

ಬೆಳಗಾವಿ: ‘ಕಬ್ಬಿಗೆ ರಾಜ್ಯ ಸರ್ಕಾರ ಘೋಷಿಸಿರುವ ₹3,300 ದರ ಒಪ್ಪುವುದೇ ಇಲ್ಲ. ಕೆಲವರು ತಾತ್ಕಾಲಿಕವಾಗಿ ಹೋರಾಟ ಕೈಬಿಟ್ಟಿದ್ದಾರೆ. ಹೋರಾಟ ಮುಂದುವರಿಸುತ್ತೇವೆ. ಈ ಬಗ್ಗೆ ಕೇಂದ್ರಕ್ಕೂ ನಿಯೋಗ ಹೋಗಲಾಗುವುದು’  ರೈತ ಮುಖಂಡರು ಶನಿವಾರ ನಿರ್ಣಯ ಕೈಗೊಂಡರು.

ಸಂಯುಕ್ತ ಕಿಸಾನ್‌ ಮೋರ್ಚಾ ಹಾಗೂ ಸಂಯುಕ್ತ ಹೋರಾಟ ಕರ್ನಾಟಕ (ವಿವಿಧ ಸಂಘಟನೆ)ದ ನಾಯಕರು ನಡೆಸಿದ ಸಮನ್ವಯ ಸಭೆಯಲ್ಲಿ ಈ ನಿರ್ಣಯ ಕೈಗೊಳ್ಳಲಾಯಿತು.

ನ್ಯಾಯಯುತ ಹಾಗೂ ಲಾಭದಾಯಕ ಬೆಲೆ (ಎಫ್‌ಆರ್‌ಪಿ) ಘೋಷಿಸುವಲ್ಲಿ ಕೇಂದ್ರ ವೈಜ್ಞಾನಿಕ ಕ್ರಮ ಅನುಸರಿಸಿಲ್ಲ. ಇದನ್ನು ಪ್ರಧಾನಿಗೆ ಮನವರಿಕೆ ಮಾಡಬೇಕು ಎಂದೂ ತೀರ್ಮಾನಿಸಲಾಯಿತು.

ಸಂಯುಕ್ತ ಕಿಸಾನ್‌ ಮೋರ್ಚಾದ ನೂರ್ ಶ್ರೀಧರ್, ಸಿರಿಮನೆ ನಾಗರಾಜ, ಎಚ್‌.ಆರ್.ಬಸವರಾಜಪ್ಪ, ಸಿದಗೌಡ ಮೋದಗಿ, ಡಿ.ಎಚ್‌.‍ಪೂಜಾರ, ಭಗವಾಣ್ ರಡ್ಡಿ ಸಭೆಯಲ್ಲಿದ್ದರು.