ಹೈದರಾಬಾದ್‌ಗೆ ಇಂಡಿಗೊ ವಿಮಾನಯಾನ ಸೆ. 27ರಿಂದ ಆರಂಭ

ಬೆಳಗಾವಿ: ಇಲ್ಲಿಂದ ಹೈದರಾಬಾದ್‌ಗೆ ಇಂಡಿಗೊ ವಿಮಾನಯಾನ ಸೆ. 27ರಿಂದ ಆರಂಭಗೊಳ್ಳಲಿದೆ ಎಂದು ರೈಲ್ವೆ ಖಾತೆ ರಾಜ್ಯ ಸಚಿವ ಸುರೇಶ ಅಂಗಡಿ ತಿಳಿಸಿದ್ದಾರೆ.

‘ಮಂಗಳವಾರ ಹೊರತುಪಡಿಸಿ ವಾರದ ಇತರ ಎಲ್ಲ ದಿನಗಳಲ್ಲೂ ವಿಮಾನ ಹಾರಾಟ ನಡೆಸಲಿದೆ. ಹೈದರಾಬಾದ್‌ನಿಂದ ಮಧ್ಯಾಹ್ನ 3.35ಕ್ಕೆ ಹೊರಟು 4.55ಕ್ಕೆ ಇಲ್ಲಿಗೆ ಬಂದಿಳಿಯಲಿದೆ. ಇಲ್ಲಿಂದ ಸಂಜೆ 5.15ಕ್ಕೆ ಹೊರಟು 6.40ಕ್ಕೆ ಹೈದರಾಬಾದ್‌ ತಲುಪಲಿದೆ’ ಎಂದು ಮಾಹಿತಿ ನೀಡಿದ್ದಾರೆ.