ಬೆಳಗಾವಿ: ಆಕ್ಸಿಜನ್ ಸಿಲಿಂಡರ್‌ ಕೈಯಲ್ಲಿ ಹಿಡಿದು ಸಾಗಿಸಿದ ಯುವಕ!

ಬೆಳಗಾವಿ: ಇಲ್ಲಿನ ರಾಣಿ ಚನ್ನಮ್ಮ ವೃತ್ತದಲ್ಲಿ ಸೋಮವಾರ ವಿವಿಧ ಸಂಘಟನೆಗಳವರು ಪ್ರತಿಭಟನೆ ನಡೆಸುತ್ತಿದ್ದ ವೇಳೆ, ವಾಹನಗಳ ಸಂಚಾರಕ್ಕೆ ಪೊಲೀಸರು ಅವಕಾಶ ನೀಡದೆ ಇದ್ದಿದ್ದರಿಂದ ಸಾರ್ವಜನಿಕರು ತೊಂದರೆ ಅನುಭವಿಸಿದರು. ಯುವಕನೊಬ್ಬ ವಾಹನ ತಡೆದಿದ್ದರಿಂದ, ಚಿಕ್ಕ ಆಕ್ಸಿಜನ್ ಸಿಲಿಂಡರ್ ಅನ್ನು ಕೈಯಲ್ಲೇ ಹಿಡಿದುಕೊಂಡು ಸಾಗಿಸಿದ ಘಟನೆ ನಡೆಯಿತು.

ಕಾಲೇಜು ರಸ್ತೆ ಕಡೆಯಿಂದ ಬಂದ ಯುವಕ, ಜಿಲ್ಲಾಧಿಕಾರಿ ಕಚೇರಿ ಕಡೆಗೆ ಧಾವಂತದಲ್ಲಿ ಸಿಲಿಂಡರ್‌ ಹಿಡಿದು ಓಡಿದ. ಆ ಯುವಕ ಯಾರು, ಎಲ್ಲಿಂದ ಬಂದಿದ್ದರು, ಸಿಲಿಂಡರ್‌ ಒಯ್ದಿದ್ದು ಎಲ್ಲಿಗೆ ಎನ್ನುವ ಮಾಹಿತಿ ಲಭ್ಯವಾಗಿಲ್ಲ.