ಕುಡಿಯುವ ನೀರಿನ ಕಾಮಗಾರಿಗೆ ₹ 7.55 ಕೋಟಿ

ಬೆಳಗಾವಿ: ಗ್ರಾಮೀಣ ಕ್ಷೇತ್ರದ ಶಿಂದೋಳ್ಳಿ, ಮಾರಿಹಾಳ ಮತ್ತು ಬಾಳೆಕುಂದ್ರಿ ಕೆ.ಎಚ್. ಗ್ರಾಮಗಳಲ್ಲಿ ಜಲಜೀವನ ಮಿಷನ್ ಕಾಮಗಾರಿಗೆ ಸಂಸದೆ ಮಂಗಲಾ ಸುರೇಶ ಅಂಗಡಿ ಹಾಗೂ ಶಾಸಕಿ ಲಕ್ಷ್ಮಿ ಹೆಬ್ಬಾಳಕರ ಭೂಮಿ ಪೂಜೆ ನೆರವೇರಿಸಿದರು.

ಶಿಂದೊಳ್ಳಿಯಲ್ಲಿ ₹ 3.40 ಕೋಟಿ, ಮಾರಿಹಾಳದಲ್ಲಿ ₹ 2.20 ಕೋಟಿ ಹಾಗೂ ಬಾಳೆಕುಂದ್ರಿ ಕೆ.ಎಚ್. ಗ್ರಾಮದಲ್ಲಿ ₹ 1.95 ಕೋಟಿ ವೆಚ್ಚದಲ್ಲಿ ಕಾಮಗಾರಿ ನಡೆಸಲಾಗುತ್ತಿದೆ. ಮನೆ ಮನೆಗೆ ಪೈಪ್‌ಲೈನ್ ಅಳವಡಿಕೆ ಮಾಡಲಾಗುವುದು ಮತ್ತು ಓವರ್ ಹೆಡ್ ಟ್ಯಾಂಕ್‌ಗಳನ್ನು ನಿರ್ಮಿಸಲಾಗುವುದು ಎಂದು ತಿಳಿಸಿದರು.

ಎಪಿಎಂಸಿ ಅಧ್ಯಕ್ಷ ಯುವರಾಜ ಕದಂ, ಗ್ರಾಮ ಪಂಚಾಯ್ತಿ ಅಧ್ಯಕ್ಷ ಮಿಲನ್ ಮಲ್ಲಾರಿ, ಉಪಾಧ್ಯಕ್ಷ ಗಂಗವ್ವ ಪೂಜೇರಿ, ಸದಸ್ಯರಾದ ಬಾಬಾಗೌಡ ಪಾಟೀಲ, ಪಿರಾಜಿ ಅನಗೋಳಕರ, ಶೀಲಾ ತಿಪ್ಪಣ್ಣಗೋಳ, ವೀರಭದ್ರಯ್ಯ ಪೂಜಾರ, ಸಾಗರ ಮುಚ್ಚಂಡಿ, ರೇಖಾ ಶಹಪೂರಕರ, ನಾಗೇಂದ್ರ ಕುರುಬರ, ನಂದಿನಿ ಕುರುಬರ, ಸವಿತಾ ಮುಚ್ಚಂಡಿ, ಸತೀಶ ಶಹಪೂರಕರ, ಬಿಜೆಪಿ ಗ್ರಾಮೀಣ ಜಿಲ್ಲಾ ಘಟಕದ ಅಧ್ಯಕ್ಷ ಸಂಜಯ ಪಾಟೀಲ ಮತ್ತು ಗ್ರಾಮೀಣ ಮಂಡಳದ ಅಧ್ಯಕ್ಷ ಧನಂಜಯ ಪಾಟೀಲ ಇದ್ದಾರೆ.