ಅನಿವಾಸಿ ಭಾರತೀಯರ ಮದುವೆಯಲ್ಲಿ ಡೊನಾಲ್ಡ್ ಟ್ರಂಪ್–ಪ್ರಭಾಕರ ಕೋರೆ ಮುಖಾಮುಖಿ

ಬೆಳಗಾವಿ: ಕೆಎಲ್ಇ ಸಂಸ್ಥೆಯ ಕಾರ್ಯಧ್ಯಕ್ಷ ಹಾಗೂ ರಾಜ್ಯಸಭೆ ಮಾಜಿ ಸದಸ್ಯಪ್ರಭಾಕರ ಕೋರೆ ಅವರು ಈಚೆಗೆ ಅಮೆರಿಕಕ್ಕೆ ಭೇಟಿ ನೀಡಿದ ವೇಳೆ ಅಮೆರಿಕ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರನ್ನು ಸೌಹಾರ್ದಯುತವಾಗಿ ಭೇಟಿಯಾದರು.

ಉದ್ಯಮಿ ರವಿಶಂಕರ್ ಭೂಪಲಾಪೂರ್ ದಂಪತಿಯ ಪುತ್ರಿ ಡಾ.ಮನಾಲಿ ಮದುವೆಯ ಸಮಾರಂಭದಲ್ಲಿ ಟ್ರಂಪ್ ಅವರನ್ನು ಭೇಟಿಯಾದರು. ಪ್ರಸ್ತುತ ಜಾಗತಿಕ ಶೈಕ್ಷಣಿಕ ಹಾಗೂ ಆರೋಗ್ಯ ಕ್ಷೇತ್ರಗಳ ಕುರಿತು ವಿಚಾರ ವಿನಿಮಯ ಮಾಡಿಕೊಂಡರು.ರವಿಶಂಕರ ಭೂಪಲಾಪೂರ ಜೊತೆಗಿದ್ದರು.

'ನಮ್ಮದು ಸೌಹಾರ್ದಯುತ ಭೇಟಿಯಾಗಿತ್ತು. ಭಾರತೀಯರ ಬಗ್ಗೆ ನನಗೆ ಬಹಳ ಹೆಮ್ಮೆ ಇದೆ ಎಂದು ಅಗರು ಹೇಳಿದರು. ಭಾರತೀಯರ ಸಹಕಾರದೊಂದಿಗೆ ಮುಂದಿನ ಬಾರಿ ಅಧ್ಯಕ್ಷ ಆಗುತ್ತೇನೆ ಎಂದು ನನ್ನ ಪ್ರಶ್ನೆಗೆ ವಿಶ್ವಾಸದಿಂದ ಪ್ರತಿಕ್ರಿಯೆ ನೀಡಿದರು' ಎಂದು ಕೋರೆ 'ಪ್ರಜಾವಾಣಿ'ಗೆ ತಿಳಿಸಿದರು.