ಸಂಡೂರು | ಲಾರಿಯಿಂದ ಕೆಳಗೆ ಬಿದ್ದು ಚಾಲಕ ಸಾವು 

ಸಂಡೂರು: ತಾಲ್ಲೂಕಿನ ತೋರಣಗಲ್ಲು ಗ್ರಾಮದ ಜಿಂದಾಲ್ ಕಾರ್ಖಾನೆಯ ಕೊರೆಕ್ಸ್ ಪ್ಲಾಂಟ್‍ನಲ್ಲಿ ಲಾರಿ ಚಾಲಕನೋಬ್ಬ ಲಾರಿಯಿಂದ ಕೆಳಗೆ ಜಾರಿ ಬಿದ್ದು, ಮೃತಪಟ್ಟ ಘಟನೆ ಸೋಮವಾರ ನಡೆದಿದೆ.

ಉತ್ತರ ಪ್ರದೇಶದ ಮೂಲದ ಹಬಿಬೂಲ್ ರೆಹೆಮಾನ್ (50) ಮೃತಪಟ್ಟ ಲಾರಿ ಚಾಲಕ. ಮೃತನು ಜಿಂದಾಲ್ ಕಾರ್ಖಾನೆಯಲ್ಲಿ ಲಾರಿಗೆ ಕೋಲ್ ಪೌಡರ್‌ ಲೋಡ್ ಮಾಡಿ, ಮುಚ್ಚಳ ಹಾಕುವಾಗ ಮೇಲಿನಿಂದ ಕೆಳೆಗೆ ಜಾರಿ ಬಿದ್ದು ಗಾಯಗೊಂಡಿದ್ದ. ಜಿಂದಾಲ್ ಸಂಜೀವಿನಿ ಆಸ್ಪತ್ರೆಗೆ ಹೆಚ್ಚಿನ ಚಿಕಿತ್ಸೆಗಾಗಿ ದಾಖಲಿಸಲಾಗಿತ್ತು.

ಮೃತನ ಸಹೋದರ ವಲಿಮೊಹಮ್ಮದ್ ನೀಡಿದ ದೂರು ಆಧರಿಸಿ ತೋರಣಗಲ್ಲು ಪೊಲೀಸ್ ಠಾಣೆಯಲ್ಲಿ ಸೋಮವಾರ ಪ್ರಕರಣ ದಾಖಲಿಸಲಾಗಿದೆ ಎಂದು ಠಾಣೆಯ ಪೊಲೀಸರು ತಿಳಿಸಿದ್ದಾರೆ.