ಗ್ರಾಹಕರ ವಿಶ್ವಾಸ ಗಳಿಸಿದರೆ ಬ್ಯಾಂಕಿನ ಅಭಿವೃದ್ಧಿ: ಭಟ್ಟಾಕಲಂಕ ಸ್ವಾಮೀಜಿ

ಬೆಳಗಾವಿ: ‘ಸಹಕಾರ ಕ್ಷೇತ್ರದಲ್ಲಿ ಗ್ರಾಹಕರ ವಿಶ್ವಾಸ ಗಳಿಸಿದರೆ ಮಾತ್ರ ಒಂದು ಸಹಕಾರ ಸಂಸ್ಥೆ ಪ್ರಗತಿಯತ್ತ ಹೆಜ್ಜೆಹಾಕಲು ಸಾಧ್ಯ’ ಎಂದು ಸೋಂದಾ ಮಠದ ಭಟ್ಟಾರಕ ಭಟ್ಟಾಕಲಂಕ ಸ್ವಾಮೀಜಿ ಹೇಳಿದರು.

ಇಲ್ಲಿನ ಮಹಾವೀರ ಭವನದಲ್ಲಿ ಆಯೋಜಿಸಿದ್ದ ಮಹಾವೀರ ಕೋ-ಆಪರೇಟಿವ್‌ ಬ್ಯಾಂಕಿನ ಸುವರ್ಣ ಮಹೋತ್ಸವ ಕಾರ್ಯಕ್ರಮದಲ್ಲಿ ಸಾನ್ನಿಧ್ಯ ವಹಿಸಿ ಮಾತನಾಡಿದ ಅವರು, ‘ಗ್ರಾಹಕರಿಗೆ ಉತ್ತಮ ಸೇವೆ ಒದಗಿಸಿದ ಹಿನ್ನೆಲೆಯಲ್ಲಿ ಈ ಬ್ಯಾಂಕ್‌ ಇಂದು ಸಂಭ್ರಮದಿಂದ ಸುವರ್ಣ ಮಹೋತ್ಸವ ಆಚರಿಸಿಕೊಳ್ಳುತ್ತಿದೆ’ ಎಂದರು.

ರಾಷ್ಟ್ರೀಯ ಅಲ್ಪಸಂಖ್ಯಾತರ ಆಯೋಗದ ಸದಸ್ಯ ಡಿ.ಜೆ.ಗುಂಡೆ, ‘ಪ್ರಸ್ತುತ ಕಾಲಘಟ್ಟದಲ್ಲಿ 50 ವರ್ಷಗಳವರೆಗೆ ಒಂದು ಬ್ಯಾಂಕ್‌ ನಡೆಸುವುದು ಸುಲಭದ ಮಾತಲ್ಲ. ಬ್ಯಾಂಕಿನ ಆಡಳಿತ ಮಂಡಳಿಯೊಂದಿಗೆ ಸಿಬ್ಬಂದಿಯೂ ಪ್ರಾಮಾಣಿಕವಾಗಿ ಸೇವೆ ಸಲ್ಲಿಸಿದ್ದರಿಂದ ಇದು ಯಶಸ್ಸು ಕಾಣಲು ಸಾಧ್ಯವಾಗಿದೆ’ ಎಂದರು.

ಶಾಸಕ ಅಭಯ ಪಾಟೀಲ, ಮಾಜಿ ಶಾಸಕ ಸಂಜಯ ಪಾಟೀಲ, ಸಹಕಾರ ಇಲಾಖೆ ಜಂಟಿನಿರ್ದೇಶಕ ಸುರೇಶಗೌಡ ಮಾತನಾಡಿದರು.

ಬ್ಯಾಂಕಿನ ಅಧ್ಯಕ್ಷ ಪಿ.ಎಂ.ಲೆಂಗಡೆ, ವಿನೋದಾ ಗುಂಡೆ, ಅಜಿತ ಪಾಟೀಲ, ತುಷಾರ ಪಾಟೀಲ, ಅನಿಲ ಪಾಟೀಲ, ಹೀರಾಚಂದ ಕಲಮನಿ, ಶ್ರೀಪಾಲ ಖೇಮಲಾಪುರೆ, ಎಸ್.ಬಿ.ನಿಲಜಗಿ, ಯು.ಟಿ.ಕೊಲ್ಲಾಪುರೆ, ಬಿ.ಬಿ.ಪೂಜಾರ  ಇತರರಿದ್ದರು. ಭೂಷಣ ಮಿರ್ಜಿ ಸ್ವಾಗತಿಸಿದರು. ಶೀಲಾ ಮಿರ್ಜಿ ವಂದಿಸಿದರು. ಸೂರಜ ಮತ್ತು ಅಶ್ವಿನಿ ನಿರೂಪಿಸಿದರು.