ಅಶ್ಲೀಲ ಚಿತ್ರ ಅಪ್‌ಲೋಡ್‌: ಆರೋಪಿ ಸೆರೆ
ಬೆಂಗಳೂರು: ತೆಲುಗು ನಟಿಯರನ್ನು ಅಶ್ಲೀಲವಾಗಿ ಚಿತ್ರಿಸಿ, ಅದರ ಛಾಯಾಚಿತ್ರ ಹಾಗೂ ವಿಡಿಯೊಗಳನ್ನು ವೆಬ್‌ಸೈಟ್‌ ಮತ್ತು ಸಾಮಾಜಿಕ ಜಾಲತಾಣದಲ್ಲಿ ಅಪ್‌ಲೋಡ್‌ ಮಾಡುತ್ತಿದ್ದ ಆರೋಪಿ ದಾಸರಿ ಪ್ರದೀಪ್‌ (29) ಎಂಬಾತನನ್ನು ಹೈದರಾಬಾದ್‌ ಪೊಲೀಸರು ನಗರದಲ್ಲಿ ಬಂಧಿಸಿದ್ದಾರೆ.
ಹಲವು ನಕಲಿ ಫೇಸ್ಬುಕ್, ಟ್ವಿಟರ್‌ ಖಾತೆ ಹೊಂದಿದ್ದ ಆರೋಪಿ 30 ವೆಬ್‌ಸೈಟ್‌ಗಳ ನಿರ್ವಹಣೆ ಮಾಡುತ್ತಿದ್ದ. ಆ ಸಾಮಾಜಿಕ ಜಾಲತಾಣಗಳನ್ನು ನಟಿಯರ ಅಶ್ಲೀಲ ಚಿತ್ರ ಹಾಗೂ ವಿಡಿಯೊ ಪ್ರಕಟಿಸಲು ಬಳಸುತ್ತಿದ್ದ. ಜತೆಗೆ ನಟಿಯರ ಘನತೆಗೆ ಧಕ್ಕೆ ತರುವ ಬರಹಗಳನ್ನು ಪ್ರಕಟಿಸುತ್ತಿದ್ದ.
ಈ ಬಗ್ಗೆ ನಟಿ ನೀಡಿದ್ದ ದೂರಿನನ್ವಯ ಹೈದರಾಬಾದ್‌ ಪೊಲೀಸರು ಆತನಿಗಾಗಿ ಹುಡುಕಾಟ ನಡೆಸಿದ್ದರು. ಕಂಪ್ಯೂಟರ್‌ ಐಡಿ ಮೂಲಕ ಪ್ರದೀಪ್‌
ಬೆಂಗಳೂರಿನಲ್ಲಿರುವುದನ್ನು ಪತ್ತೆ ಹಚ್ಚಿದ ವಿಶೇಷ ತಂಡ, ಆರೋಪಿಯನ್ನು ಶನಿವಾರ ಬಂಧಿಸಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.