ಪಾಸ್ಕಲ್ ಮುಜುರಿಯರ್ ಪರ ಜಾಥಾ

ಬೆಂಗಳೂರು: ಮಗಳ ಮೇಲೆ ಅತ್ಯಾಚಾರ ಎಸಗಿದ ಆರೋಪಕ್ಕೆ ಗುರಿಯಾಗಿರುವ ಫ್ರಾನ್ಸ್ ಕಾನ್ಸುಲ್ ಜನರಲ್ ಕಚೇರಿಯ ಹಿರಿಯ ಅಧಿಕಾರಿ ಪಾಸ್ಕಲ್ ಮುಜುರಿಯರ್ ಅವರು ಶೀಘ್ರಗತಿಯಲ್ಲಿ ಕೋರ್ಟ್ ಕಲಾಪ ನಡೆದು ನ್ಯಾಯ ದೊರೆಯಬೇಕೆಂದು ಶನಿವಾರ ಆಗ್ರಹಿಸಿದರು.

`ಮಕ್ಕಳು ಸಂಪೂರ್ಣವಾಗಿ ತಂದೆಯ ಸುಪರ್ದಿಯಲ್ಲಿ ಇಲ್ಲದೇ ಇದ್ದರೂ ಆರೋಪ ಎದುರಿಸಿದ ಸಂದರ್ಭದಲ್ಲಿ ಕನಿಷ್ಠ ಮಕ್ಕಳನ್ನು ಭೇಟಿಯಾಗುವ ಅವಕಾಶ ನೀಡಬೇಕು.

ಮಕ್ಕಳ ಪಾಲನೆಯಲ್ಲಿ ತಂದೆಯ ಪಾತ್ರವೂ ಮುಖ್ಯವಿದೆ. ಇಲ್ಲದಿದ್ದರೆ ದೋಷಮುಕ್ತನಾದ ನಂತರ ಮಕ್ಕಳ ಪ್ರೀತಿಯನ್ನು ಕಳೆದುಕೊಳ್ಳುವ ಆತಂಕ ಕಾಡುತ್ತದೆ. ಮಕ್ಕಳಿಂದ ದೂರನಾಗಿ ಪರಕೀಯ ಭಾವನೆಯನ್ನು ಎದುರಿಸಬೇಕಾಗುತ್ತದೆ' ಎಂದು  ಸುದ್ದಿಗಾರರೊಂದಿಗೆ ಮಾತನಾಡಿದರು.

ಪ್ಯಾರೀಸ್‌ನ ವಕೀಲರಾದ ಒಲಿವರ್ ಸುರ್, `ತಂದೆಯನ್ನು ಭೇಟಿಯಾಗುವ ಹಕ್ಕು ಮಕ್ಕಳಿಗಿರುತ್ತದೆ. ಆದರೆ ಪಾಸ್ಕಲ್ ಪ್ರಕರಣದಲ್ಲಿ ತಾಯಿಯೇ ತನ್ನ ಮಕ್ಕಳಿಗೆ ಈ ಅವಕಾಶವನ್ನು ನೀಡಿರಲಿಲ್ಲ' ಎಂದು ತಿಳಿಸಿದರು.ಕ್ಲೆಮೆನ್ಸ್ ವಿಟ್ ಇತರರು ಉಪಸ್ಥಿತರಿದ್ದರು.