ಬಿಎಸ್‌ವೈ ‍ಪುತ್ರರ ವಿರುದ್ಧ ದೂರು

ಬೆಂಗಳೂರು: ಶಿಕಾರಿಪುರ ತಾಲ್ಲೂಕಿನ ನಂದಿಹಳ್ಳ ಗ್ರಾಮದಲ್ಲಿ ಸ್ವಾಮಿ ವಿವೇಕಾನಂದ ಶಿಕ್ಷಣ ಸಂಸ್ಥೆಯು ಕೆರೆ ಜಾಗವನ್ನು ಒತ್ತುವರಿ ಮಾಡಿದೆ ಎಂದು ಆರೋಪಿಸಿ ಎನ್‌.ಹನುಮೇಗೌಡ ಎಂಬುವರು ಕರ್ನಾಟಕ ಭೂಕಬಳಿಕೆ ನಿಷೇಧ ವಿಶೇಷ ನ್ಯಾಯಾಲಯಕ್ಕೆ ಶುಕ್ರವಾರ ದೂರು ಸಲ್ಲಿಸಿದ್ದಾರೆ.

ಬಿಜೆಪಿ ರಾಜ್ಯ ಘಟಕದ ಅಧ್ಯಕ್ಷ ಬಿ.ಎಸ್‌. ಯಡಿಯೂರಪ್ಪ ಅವರ ಪುತ್ರರಾದ ಬಿ.ವೈ. ರಾಘವೇಂದ್ರ (ಸಂಸ್ಥೆಯ ಗೌರವಾಧ್ಯಕ್ಷ), ಬಿ.ವೈ. ವಿಜಯೇಂದ್ರ (ಖಜಾಂಬಿ), ಅಧ್ಯಕ್ಷ ಬಿ. ಶಿವಕುಮಾರ್‌ ಹಾಗೂ ಕಾರ್ಯದರ್ಶಿ ತೇಜಸ್ವಿನಿ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಬೇಕು. ಒತ್ತುವರಿ ತೆರವು ಮಾಡಿಸಬೇಕು ಎಂದು ಅವರು ಆಗ್ರಹಿಸಿದ್ದಾರೆ.