ಮಗಳಿಗೆ ದೌರ್ಜನ್ಯ: ತಂದೆ ಬಂಧನ

ಬೆಂಗಳೂರು: ಮಗಳ ಮೇಲೆ ಲೈಂಗಿಕ ದೌರ್ಜನ್ಯ ನಡೆಗಲು ಮುಂದಾದ ಆರೋಪದಲ್ಲಿ ಬಾಣಸವಾಡಿ ಪೊಲೀಸರು ರಮೇಶ್ (42) ಎಂಬಾತನನ್ನು ಬಂಧಿಸಿದ್ದಾರೆ.

ಬಾಣಸವಾಡಿ ಮುಖ್ಯರಸ್ತೆ ನಿವಾಸಿಯಾದ ರಮೇಶ್, ಪೇಂಟರ್ ಆಗಿದ್ದಾನೆ. ಶನಿವಾರ ರಾತ್ರಿ ಪಾನಮತ್ತನಾಗಿ ಮನೆಗೆ ಬಂದ ಆತ, 14ರ ಹರೆಯದ ಮಗಳ ಮೇಲೆ ಲೈಂಗಿಕ ದೌರ್ಜನ್ಯ ನಡೆಸಲು ಮುಂದಾಗಿದ್ದಾನೆ. ಈ ವೇಳೆ ಆತನ ಪತ್ನಿ, ಸ್ಥಳೀಯರ ನೆರವು ಪಡೆದು ಮಗಳನ್ನು ರಕ್ಷಿಸಿದ್ದಾರೆ.

`ಘಟನೆ ಸಂಬಂಧ ತಾಯಿ ಹಾಗೂ ದೌರ್ಜನ್ಯಕ್ಕೊಳಗಾದ ಮಗಳು ಭಾನುವಾರ ಸಂಜೆ ದೂರು ಕೊಟ್ಟಿದ್ದಾರೆ. ಪ್ರಕರಣ ದಾಖಲಿಸಿಕೊಂಡು ಆರೋಪಿಯನ್ನು ಬಂಧಿಸಲಾಗಿದೆ' ಎಂದು ಪೂರ್ವ ವಿಭಾಗದ ಡಿಸಿಪಿ ಟಿ.ಜಿ.ಕೃಷ್ಣಭಟ್ ಅವರು  `ಪ್ರಜಾವಾಣಿ'ಗೆ ತಿಳಿಸಿದರು.