ವಿದ್ಯುತ್‌ ಚಾಲಿತ ಬೈಕ್‌ ಚಾಲನೆಗೆ ಪರವಾನಗಿ ಕಡ್ಡಾಯ
ಬೆಂಗಳೂರು: ವಿದ್ಯುತ್‌ ಚಾಲಿತ ಬೈಕ್‌ ಸವಾರರೂ ಇನ್ನು ಮುಂದೆ ಚಾಲನಾ ಪರವಾನಗಿ ಪಡೆಯಬೇಕು.
ಕರ್ನಾಟಕ ರಾಜ್ಯ ಮೋಟಾರು ಕಾಯ್ದೆ ನಿಯಮದ ಅನುಸಾರ ಸಾರಿಗೆ ಇಲಾಖೆಯು ವಿದ್ಯುತ್‌ ಚಾಲಿತ ಬೈಕ್‌ ಸವಾರರಿಗೆ ಪರವಾನಗಿ ಹಾಗೂ ಹೆಲ್ಮೆಟ್‌ ಕಡ್ಡಾಯ ಮಾಡಲಾಗಿದೆ.
ವಿದ್ಯುತ್‌ ಚಾಲಿತ ಬೈಕ್‌ ಸವಾರರು ಹಲವು ಅಪಘಾತ ಪ್ರಕರಣಗಳಲ್ಲಿ ಭಾಗಿಯಾಗಿರುವುದರಿಂದ ರಸ್ತೆ ಸುರಕ್ಷತೆಯ ದೃಷ್ಟಿಯಿಂದ ಈ ನಿಯಮವನ್ನು ಜಾರಿ ಮಾಡಲಾಗುತ್ತಿದೆ ಎಂದು ಹಿರಿಯ ಅಧಿಕಾರಿ ತಿಳಿಸಿದರು.
‘ಪ್ರಾದೇಶಿಕ ಸಾರಿಗೆ ಕಚೇರಿಯಲ್ಲಿ ನೋಂದಣಿಯಾಗದೇ 250 ವಾಟ್‌ಗಿಂತಲೂ ಅಧಿಕ ವಿದ್ಯುತ್‌ ಬಳಕೆ ಮಾಡುವ ಹಲವು ವಿದ್ಯುತ್‌ ಚಾಲಿತ ವಾಹನಗಳು ಮಾರುಕಟ್ಟೆಯಲ್ಲಿ ಲಭ್ಯ ಇವೆ. ಆದರೆ, 250 ವಾಟ್‌ಗಿಂತಲೂ ಹೆಚ್ಚಿನ ವಿದ್ಯುತ್‌ ಬಳಕೆ ಮಾಡುವ ಬೈಕ್‌ಗಳು ಕಡ್ಡಾಯವಾಗಿ ಪ್ರಾದೇಶಿಕ ಸಾರಿಗೆ ಕಚೇರಿಯಲ್ಲಿ ನೋಂದಣಿಯಾಗಬೇಕು ಹಾಗೂ ಸವಾರರು ಪರವಾನಗಿ ಪಡೆಯಬೇಕು ಎಂದು ಹೇಳಿದರು.
‘ವೇಗದ ಮಿತಿ 25ರಿಂದ 35 ಕಿ.ಮೀ ನಿಗದಿಗೊಂಡಿರುವ ವಿದ್ಯುತ್‌ ಬೈಕ್‌ ಗಳಿಗೆ ನೋಂದಣಿ, ಚಾಲನಾ ಪರ ವಾನಗಿಯ ಅಗತ್ಯವಿರುವುದಿಲ್ಲ. ಆದರೆ, ಬೈಕ್‌ ತಯಾರಕರು ಅಟೋ ಮೇಟಿವ್‌ ರೀಸರ್ಚ್‌ ಅಸೋಸಿ ಯೇಷನ್‌ ಆಫ್‌ ಇಂಡಿಯಾದಿಂದ (ಎಆರ್‌ಐಎ) ನಿರಾಕ್ಷೇಪಣಾ ಪ್ರಮಾಣ ಪತ್ರವನ್ನು ಪಡೆದಿರಬೇಕು’ ಎಂದು ತಿಳಿಸಿದರು.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.